Acordado por este concello o alleamento dunha propiedade municipal, mediante poxa pública, e a aprobación do correspondente prego de condicións, anúnciase a licitación conforme as seguintes condicións:

Obxecto e prezo tipo desta poxa: o alleamento da propiedade municipal que se relaciona a seguir:

Polígono do Paseo das Pontes: parcela número 15 en superficie e número 6 en subsolo, que integra o cuarteirón M-3, do proxecto de compensación.

Aproveitamento: 11.525 m.

Superficie de ocupación en soto: 2.539 m.

Valor urbanístico total: 802.407.456 pesetas.

O tipo de licitación ou valor en venda faise coincidir, por tanto, co valor urbanístico.

Forma de presenta-los pregos: os pregos presentaranse en dous sobres pechados, un conterá a oferta económica e o outro a documentación administrativa; levará escrito no anverso o seguinte: «Proposición para optar á poxa para a compra da parcela número 15 en superficie e número 6 en subsolo, que integra o cuarteirón M-3 do proxecto de compensación do polígono do Paseo das Pontes».

O depósito que, como fianza provisional, deberá constituírse para poder tomar parte na poxa será do 2% (dous por cento) do tipo de licitación para a parcela que se poxa, admitíndose a dita fianza en calquera das formas establecidas no artigo 36 da Lei de 1995, de contratos das administracións públicas.

O metálico, valores ou avais depositaranse na caixa deste concello.

Prazo de exposición ó público: durante os vinteseis días de prazo para a presentación de pregos estará de manifesto o expediente para ser examinado polo público no Servicio Municipal de Urbanismo, sito na Avda. da Mariña, 18.

Apertura de pregos: a mesa de contratación cualificará previamente os documentos presentados en tempo e forma e procederá en acto público á apertura das ofertas admitidas, que terá lugar na secretaría das casas consistoriais ás 12 horas do quinto día hábil seguinte ó do transcurso do prazo de licitación, que no caso de resultar sábado se entenderá prorrogado ó primeiro día hábil seguinte.

A proposta de adxudicación non crea dereito en favor do adxudicatario proposto fronte á Administración mentres non se adxudique o contrato por acordo do órgano de contratación.

Pagamento: o pagamento do prezo de adjudicación farase efectivo dentro dos quince días seguintes á notificación do acordo de adxudicación definitiva. Realizado o ingreso, o adxudicatario entrará en posesión do soar.

A Coruña, 16 de xuño de 1997.

P.D.

Salvador Fernández Moreda

Alcalde

6303