Aprobado con carácter inicial por resolución da Alcaldía-Presidencia do 31 de xullo de 1997 o estudio de detalle para o establecemento de aliñacións e rasantes e ordenación de volumes no cuarteirón comprendido entre as rúas Fomento, Saavedra Meneses, Ciscada e Travesía dos Anxos, deste termo municipal, redactado polo enxeñeiro de camiños, canles e portos Ángel Delgado Cid, do estudio de enxeñería CEINSA, debidamente visado polo colexio de enxeñeiros, camiños e portos, faise público ó abeiro dos artigos 34, 44.3º da Lei 1/1997, do 24 de marzo, do solo de Galicia, e 140 do Regulamento de planeamento urbanístico:
Primeiro: suspéndese o outorgamento de licencias de parcelación de terreos, edificación e demolición no cuarteirón comprendido entre as rúas Fomento, Saavedra Meneses, Ciscada e Travesía dos Anxos, polo prazo dun ano, se ben a dita suspensión se
extinguirá coa aprobación definitiva do estudio de detalle.
Segundo: sométese á información pública durante o prazo dun mes a presente aprobación inicial, mediante anuncio publicado no Diario Oficial de Galicia, BOP e nun xornal dos de maior tirada da provincia, e así mesmo, notifícaselles persoalmente ós propietarios e demais interesados directamente afectados, comprendidos no ámbito territorial do estudio de detalle.
Ares, 1 de agosto de 1997.
Manuel Rodríguez Doval
Alcalde Acctal.
6302