Por mor dunha mellor regulación da actividade da pesca deportiva e para evitar incertezas na determinación das horas hábiles para cada día do ano, a citada Orde do 17 de febreiro de 1997 fixou os horarios hábiles de pesca nas augas continentais galegas, o que supuxo a perda dalgúns minutos hábiles con respecto ó establecido no artigo 31.3º da Lei 7/1992, do 24 de xullo, de pesca fluvial de Galicia. Esta perda, insignificante en termos cuantitativos na maior parte dos casos, maniféstase cualitativamente importante no caso concreto da pesca do reo, xa que as horas próximas ó solpor son nas que hai unha maior demanda, e nos ríos máis occidentais de Galicia, onde abondan as poboacións desta especie, é onde maiores perdas se producen.

Por todo o anterior, para minimiza-la perda de tempo hábil de pesca nos ríos con gran afluencia de pescadores de reo e de conformidade co límite máximo, establecido no artigo 31.3º da Lei de pesca fluvial nunha hora despois do solpor,

DISPOÑO:

Artigo único.-A xornada de pesca en augas continentais rematará ás horas que se establecen no anexo desta orde.

Disposición derradeira

Esta orde entrará en vigor o día seguinte ó da súa publicación no DOG.

Santiago de Compostela, 28 de xullo de 1997.

Tomás Pérez Vidal

Conselleiro de Agricultura, Gandería e Montes

ANEXO

Horas de remate da xornada de pesca.

DíasHora

14-20 xullo23.09

21-27 xullo23.04

28 xullo-2 agosto22.57

3-10 agosto22.50

11-17 agosto22.41

18-24 agosto22.31

25-31 agosto22.20

1-7 setembro22.08

8-14 setembro21.56

15-21 setembro21.44

22-28 setembro21.31

29 e 30 setembro21.28

6032