De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se menciona, as resolucións dos ditos expedientes, por infracción á Lei 4/1989, do 27 de marzo, da conservación dos espacios naturais e da flora e fauna silvestre.
1. Contra a dita resolución e de conformidade co disposto nos artigos 107.1º e 114 ó 117 da Lei 30/1992, de réxime xurídico das administracións públicas e do procedemento administrativo común, e no prazo dun mes contado a partir do día seguinte ó desta publicación, poderá interpoñer recurso ordinario perante o conselleiro de Agricultura, Gandería e Montes. Transcorrido o prazo de interposición do recurso sen que este fose presentado, esta resolución será firme para tódolos efectos.
2. O importe da sanción, así como o da indemnización, farase efectivo, dentro do prazo de quince días contados desde o momento en que a resolución sexa firme, na conta nº 120.596, do Banco Pastor (0072) oficina principal (0401). De non facelo dentro do prazo sinalado, procederase ó seu cobramento pola vía de constrinximento.
3. O rescate do decomisado, no caso de que se trate de utensilios de uso lícito, poderá obterse logo do pagamento da contía total da sanción e indemnización dentro do prazo establecido no parágrafo anterior.
Pontevedra, 19 de xuño de 1997.
José Luis Díez Yáñez
Delegado provincial de Pontevedra
ANEXO
Expediente: C-18/1996.
Denunciado: José Ramón Costas Piñeiro.
Último domicilio coñecido: Lugar Quintáns, 64-Meiro-Bueu.
Feito denunciado: cazar xunto con outras dúas persoas, frinxílidos utilizando unha rede de canón de 8 m. e reclamos, o día 9 de novembro de 1996, no termo municipal de Cangas.
Precepto infrinxido: artigo 38.13º da Lei 4/1989, de conservación dos espacios naturais e da flora e fauna silvestre en relación co artigo 4 e anexo III do Real decreto 1095/1969.
Precepto sancionador: 38 da Lei 4/1989, de conservación dos espacios naturais e da flora e fauna silvestre.
Sanción: 20.000 ptas.
5613
