Liña a 20 kV, Santa Seguiña-Pinto (Esgos, Nogueira de Ramuín, O Pereiro de Aguiar).

Visto o expediente incoado na Sección de Enerxía desta delegación provincial por petición de Unión Eléctrica-Fenosa, S.A., con domicilio en Sáenz Díez 45, 32003 Ourense, no que se solicita autorización para o establecemento dunha instalación eléctrica, cumpridos os trámites regulamentarios ordenados no capítulo III do Decreto 2617/1966, do 20 de outubro, e de acordo co disposto na Lei de industria, do 16 de xullo de 1992, e no Real decreto 2563/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de industria, enerxía e minas.

Esta delegación provincial resolveu:

Autorizar a Unión Eléctrica-Fenosa, S.A., a instalación eléctrica proxectada, da que as características son as seguintes:

Liña aérea a 20 kV de 638 metros de lonxitude, en conductor LA-110 sobre postes de formigón ou metálicos, derivada desde o apoio 37 da L.M.T. Picornio a Santa Seguiña e remata no apoio proxectado nº 41 L.M.T. a C.T. de San Miguel do Campo, liña aérea a 20 kV de 6.636 metros de lonxitude, en conductor LA-110 sobre postes de formigón ou metálicos, derivada desde o apoio 41 da L.M.T. Picornio a Santa Seguiña e remata no centro de reparto do Pinto. Liña aérea a 20 kV de 403 metros de lonxitude, en conductor LA-56 sobre postes de formigón ou metálicos, derivada desde o apoio 51 L.M.T. a Centro de reparto do Pinto e remata no centro de reparto do Pinto.

Esta instalación non poderá entrar en servicio mentres non conte o seu peticionario coa aprobación do seu proxecto de execución, logo de cumprimento dos trámites que se sinalan no capítulo IV do citado Decreto 2617/1966, do 20 de outubro.

Ourense, 16 de xuño de 1997.

Alfredo Cacharro Pardo

Delegado provincial de Ourense

5297