O artigo 28 do vixente Estatuto de autonomía de Galicia establece no seu apartado 2º a competencia da Comunidade Autónoma de Galicia para o desenvolvemento lexislativo e execución da lexislación do Estado en materia de expropiación forzosa.
As obras citadas no encabezamento da presente resolución atópanse incluídas no programa de obras que se vai realizar con cargo ó programa 413-B, construcción, conservación e explotacións de estradas.
Con data do 30 de abril de 1997, procédese á aprobación do proxecto do trazado da obra de nova estrada da vía rápida do Barbanza, tramo: Padrón-A Vacariza, p.k. 0.000-10.749, clave: N/AC/ 87.8.1, polo director xeral de Obras Públicas por delegación do conselleiro de Política Territorial, Obras Públicas e Vivenda.
Con data do 14 de maio de 1997, a Xunta de Galicia procedeu á declaración de utilidade pública e urxente ocupación dos bens e dereitos necesarios para efectos de expropiación para a mencionada obra por Decreto 129/1997, publicado no DOG nº 104.
Na súa virtude e en cumprimento do disposto nos artigos 52 da vixente Lei de expropiación forzosa, do 16 de decembro de 1954 e 56 e seguintes do Regulamento para súa aplicación, este servicio, no uso das facultades que lle confire o artigo 98 da mencionada lei, resolveu convoca-los titulares de bens e dereitos afectados que figuran nas relacións expostas nos concellos de Rianxo e Dodro, para que comparezan nos lugares, datas e horas que se citan para proceder ó levantamento das actas previas á ocupación nas que se recollerán os datos necesarios para determina-los bens e dereitos afectados, o seu valor, e os prexuízos derivados da rápida ocupación, sen prexuízo de se trasladar ó lugar dos predios se o consideran necesario.
-Casa do Concello de Rianxo.
De 9 horas a 13 horas e de 16 horas a 19 horas.
Día 4 de agosto de 1997, dos predios 1 a 97.
-Casa do Concello de Dodro.
De 9 horas a 13 horas e de 16 horas a 19 horas.
Día 5 de agosto de 1997, dos predios 1 a 101.
Día 6 de agosto de 1997, dos predios 102 a 203.
Día 7 de agosto de 1997, dos predios 204 a 305.
Día 8 de agosto de 1997, dos predios 306 a 407.
Día 11 de agosto de 1997, dos predios 408 a 479.
Día 12 de agosto de 1997, dos predios 480 a 550.
Día 13 de agosto de 1997, dos predios 551 a 621.
Día 14 de agosto de 1997, dos predios 622 a 692.
Día 19 de agosto de 1997, dos predios 693 a 763.
Día 20 de agosto de 1997, dos predios 764 a 834.
Día 21 de agosto de 1997, dos predios 835 a 905.
Día 22 de agosto de 1997, dos predios 906 a 976.
Ó dito acto deberán acudi-los titulares afectados, persoalmente ou ben representados pola persoa debidamente autorizada para actuar no seu nome, achegando os documentos acreditativos da súa titularidade, documento nacional de identidade e último recibo da contribución, podendo acompañarse, pola súa conta, se o consideran oportuno, dos seus peritos e notarios.
Así mesmo, no cumprimento do establecido no artigo 56 do Regulamento da Lei de expropiación forzosa ábrese información pública durante o prazo de 15 días hábiles, contados a partir do seguinte ó da publicación desta resolución no Boletín Oficial do Estado ou ata o momento do levantamento das actas previas á ocupación correspondente, co fin de que os interesados poidan formular por escrito, perante este Servicio Provincial de Estradas da Xunta de Galicia na Coruña, praza Luis Seoane, s/n, 8ª pranta, as alegacións que consideren pertinentes co obxecto de emendar posibles erros padecidos na relación dos bens afectados pola urxente ocupación.
A Coruña, 9 de xullo de 1997.
José Luis Rodríguez Alonso
Enxeñeiro xefe provincial de Estradas da Coruña
5764
