O 20 de xuño de 1997, a Consellería de Educación e Ordenación Universitaria recibe da sección primeira do Contencioso-Administrativo, do Tribunal Superior de Xustiza de Galicia, a providencia pola que se admite o recurso contencioso-administrativo número 01/0001164/1997, interposto polo Concello de Monterroso, contra resolución da Dirección Xeral de Centros e Inspección Educativa, do 3-2-1997 e resolución da Consellería de Educación e Ordenación Universitaria, do 2-4-1997, sobre a non autorización de desafectación de vivendas do grupo escolar de Monterroso (Lugo).
En consecuencia, esta secretaría xeral acordou nesta data e de conformidade co disposto no artigo 64 da Lei do 27 de decembro de 1956, reguladora da xurisdicción contencioso-administrativa, modificada pola Lei 10/1992, do 30 de abril, a remisión do correspondente expediente administrativo á referida sala, o que se lles notifica para xeral coñecemento a tódalas persoas interesadas no procedemento, e emprázanse para que poidan comparecer
en autos na sección primeira da Sala do Contencioso-Administrativo do Tribunal Superior de Xustiza de Galicia no prazo de nove días.
Santiago de Compostela, 2 de xullo de 1997.
Máximo García Serrano
Secretario xeral da Consellería de Educación
e Ordenación Universitaria
5533