En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que no correspondente servicio desta dirección xeral foron depositados a acta de constitución e os estatutos da Asociación de la Recuperación y el Reciclado de Galicia que ten os seguintes ámbitos:
Territorial: Comunidade Autónoma de Galicia.
Profesional: poderán pertencer á devandita asociación as empresas, persoas físicas ou xurídicas que teñan o seu domicilio social e realicen a súa actividade na Comunidade Autónoma, dedicadas á recuperación e reciclado de papel, cartón e derivados téxtiles, dentro da cadea que vai desde a promoción, recollida, selección e comercialización de materiais recuperados de papel, cartón e téxtiles para a súa utilización como materias primas para a fabricación de papel, cartón e productos reciclados e a manipulación destes productos ata a súa conversión en productos de consumo de calquera tipo incluída a súa comercialización.
Asinan a acta de constitución: Luis del Molino García, en representación da empresa Gama Gallega Medio Ambiente, S.L., e dúas persoas máis, en representación doutras tantas empresas.
Santiago de Compostela, 12 de xuño de 1997.
Juan Pedrosa Vicente
Director xeral de Relacións Laborais
5485