A Lei 3/1992, do 23 de marzo, de coordinación das policías locais, establece no seu artigo 5.1º d) que a coordinación da actuación das policías locais de Galicia se fará respectando totalmente a autonomía local recoñecida na Constitución e abranguerá o exercicio da función, entre outras, de fixa-los criterios básicos de selección, formación, promoción e mobilidade dos membros das policías locais e, no seu artigo 25.6º, dispón que se fixarán por vía regulamentaria os baremos dos concursos de méritos.
Trala promulgación do Decreto 121/1995, do 20 de abril, polo que se aproban os criterios básicos de selección, formación, promoción e mobilidade dos membros das policías locais, debe procederse ó esta
blecemento do baremo de méritos para promoción interna das policías locais, segundo se indica no seu artigo 8.1º.
En consecuencia, en uso da facultade que me outorga a disposición derradeira primeira do devandito Decreto 121/1995, para dicta-las disposicións necesarias para o seu desenvolvemento, e logo do informe favorable da comisión de coordinación das policías locais,
DISPOÑO:
Artigo único.-Apróbase o baremo de méritos para promoción interna das policías locais que figuran no anexo a esta orde.
Disposición derradeira
Primeira.-Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, dous de xullo de mil novecentos noventa e sete.
Jesús Carlos Palmou Lorenzo
Conselleiro de Xustiza, Interior e Relacións Laborais
4654