Por Decreto do 3 de xuño de 1931 (Gaceta de Madrid de 4 de xuño), foi declarado ben de interese cultural con categoría de monumento a igrexa de San Martiño de Pazó, no concello de Allariz, provincia de Ourense.
Sendo a devandita declaración anterior á entrada en vigor da Lei 8/1995, do 30 de outubro, do patrimonio cultural de Galicia (Diario Oficial de Galicia do 8 de novembro), cómpre na actualidade concreta-la delimitación do seu contorno de protección.
Vistos os informes dos servicios técnicos desta dirección xeral, así como dos órganos consultivos da Consellería de Cultura e Comunicación Social en materia de bens culturais, sendo uns e outros favorables á incoación do expediente para a delimitación do contorno de protección da igrexa de San Martiño de Pazó, no concello de Allariz, provincia de Ourense, esta dirección xeral,
RESOLVE:
Primeiro.-Incoar expediente para a declaración da delimitación do contorno de protección da igrexa de San Martiño de Pazó, no concello de Allariz, provincia de Ourense, segundo o disposto no artigo 11 da Lei 8/1995, do 30 de outubro, do patrimonio cultural de Galicia.
Segundo.-Delimita-la zona afectada pola mentada incoación do xeito que se especifica literal e graficamente nos anexos I e II da presente resolución.
Terceiro.-Continua-la tramitación do expediente segundo as disposicións vixentes.
Cuarto.-Darlle traslado da resolución ó Concello de Allariz, provincia de Ourense, e notificarlle que segundo o disposto no artigo 10.3 da Lei 8/1995, do 30 de outubro, do patrimonio cultural de Galicia a incoación dun expediente para a declaración dun ben de interese cultural determinará, respecto do ben afectado, a aplicación inmediata e provisional do réxime de protección previsto na presente lei para os bens xa declarados. No caso de bens inmobles, ademais será aplicable o estipulado no artigo 35.1 da presente lei.
Quinto.-Notificárlle-la presente resolución ós interesados, ó Rexistro Xeral de Bens de Interese Cultural do Estado e ó Rexistro de Bens de Interese Cultural de Galicia.
Sexto.-A presente resolución será publicada no Diario Oficial de Galicia e no Boletín Oficial del Estado, abríndose un período de información pública de 1 mes, contado a partir do día seguinte ó da súa publicación no Diario Oficial de Galicia.
Santiago de Compostela, 24 de xuño de 1997.
Ángel Sicart Giménez
Director xeral de Patrimonio Cultural
ANEXO I
A delimitación quedaría segundo o plano anexo e a seguinte descrición da liña:
1-2 coincidente coa liña que delimita a zona de protección de patrimonio histórico artístico recollida nas NN.SS. municipais aprobadas o 11 de marzo de 1994.
2-3 coincidente coa liña que delimita o solo non urbanizable do núcleo rural de Pazó (zona leste), recollido nas NN.SS. municipais de 1994.
3-4 coincidente coa liña que delimita o solo urbano do núcleo rural de Pazó recollido nas NN.SS. municipais de 1994.
4-l coincidente coa liña que delimita o solo non urbanizable do núcleo rural de Pazó (zona oeste), recollido nas NN.SS. municipais de 1994.
5410