Visto o texto da acta asinada o día 20 de febreiro pola comisión negociadora do convenio colectivo do persoal laboral do Concello de Culleredo na que se aproban as modificacións do texto do convenio colectivo subscrito en representación da parte económica polos representantes da Corporación Municipal e, da parte social, polos representantes das organizacións sindicais o día 28-10-1996 e de conformidade co disposto no artigo 90.2º y 3º, da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, de 24 de xullo, sobre traspaso de funcións e servicios da Administración do Estado a Comunidade Autónoma de Galicia, en materia de traballo, esta delegación provincial,

ACORDA:

Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (SMAC).

Terceiro.-Dispoñe-la súa publicación no Diario Oficial de Galicia.

A Coruña, 19 de xuño de 1997.

Carlos Martul Álvarez de Neyra

Delegado provincial Acctal. da Coruña

Acta nº 07/1996 da mesa de negociación do convenio de persoal laboral do Concello de Culleredo

Na Casa do Concello de Culleredo, ás dezaoito horas do día 20 de febreiro de 1977, e logo de convocatoria coa especificación da orde do día que se vai tratar, reúnese a mesa de negociación do convenio de persoal laboral do Concello de Culleredo.

Preside a sesión Julio Sacristán de Diego e asisten:

Pola UGT:-Edmundo Varela Lema-José Ramón Couceiro Ares-Pablo Bouza Suárez-Carlos Traviesas Sampedro

Pola CIG:-Mª Jesús Rodríguez García-Mª José Cagiao Vila.

Pola Corporación:-Julio Sacristán de Diego (PSOE)-Ricardo Seoane Candamio (PSOE)

Non asisten:-Enrique Amor Regueiro (PP).-Narciso Marzoa Martínez (BNG)

Asiste en calidade de asesor da administración:-Javier Varela Tejedor (xefe de gabinete alcaldía).

Dá fe do acto o secretario Pablo Bouza Suárez.

1. A mesa de negociación do convenio do persoal laboral do Concello de Culleredo aproba as oportunas modificacións ó texto inicial do convenio referente ó cadro de relación de persoal laboral fixo, segundo o anexo que se adxunta a esta acta, para a súa oportuna aprobación polo Pleno Municipal que se celebrará o vindeiro día 25 de febreiro.

E non habendo máis asuntos que tratar, o presidente levanta a sesión ás 19 horas.

O secretario

ANEXO

Relación de postos de traballo 1996. Persoal laboral fixo D.

5457