Visto o texto do convenio colectivo para a empresa Labauto Ibérica, S.A. (código nº 3200502) de Ourense, con entrada nesta delegación provincial da Consellería de Xustiza, Interior e Relacións Laborais, o día 23-5-1997, subscrito en representación da parte económica, pola empresa e da parte social, polo comité
de empresa, en xuntanza celebrada o día 15-5-1997, de conformidade co disposto no artigo 90.2º e 3º, do Estatuto dos traballadores, texto refundido aprobado polo Real decreto 1/1995, do 24 de marzo, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo. Esta delegación provincial,
ACORDA:
Primeiro.-Ordena-la súa inscrición no Rexistro de Convenios Colectivos desta delegación provincial, con notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Unidade de Mediación, Arbitraxe e Conciliación desta delegación.
Terceiro.-Dispoñe-la súa publicación no Diario Oficial de Galicia.
Ourense, 28 de maio de 1997.
Manuel López Casas
Delegado provincial de Ourense
Convenio colectivo 1997
TÍTULO I
Disposicións xerais
Artigo 1º.-Partes contratantes.
O presente convenio colectivo foi negociado pola empresa Labauto Ibérica, S.A. e as representacións sindicais de Comisións Obreiras (CC.OO.) e Converxencia Intersindical Galega (CIG) e susbcrito polos membro do comité pertencentes ás representacións sindicais de Comisións Obreiras e Converxencia Intersindical Galega e polos delegados sindicais de ámbalas centrais da factoría de San Cibrao das Viñas (Ourense), co ámbito territorial e persoal que máis abaixo se indica.
Artigo 2º.-Ámbito territorial.
De acordo co establecido no artigo 83.1º do R.D.L. 1/1995, do 24 de marzo, o ámbito territorial do convenio é o da empresa Labauto Ibérica, S.A., situada no polígono industrial de San Cibrao das Viñas.
Artigo 3º.-Ámbito persoal.
O convenio afecta a totalidade do persoal pertencente ó cadro da empresa, coas excepcións que a norma vixente prevé.
Con respecto ó persoal con contrato de duración determinada, seralle de aplicación o presente convenio colectivo nas mesmas condicións que se establecen no parágrafo anterior, excepto naqueles aspectos del que colidan coa temporalidade dos ditos contratos o con acordos anteriores específicos.
Artigo 4º.-Vixencia.
O convenio entrará en vigor o día da súa sinatura, sen prexuízo do cal as condicións económicas se aplicarán a partir do día 1 de xaneiro de 1997.
Terá unha vixencia dun ano, que expira o 31 de decembro de 1997.
Artigo 5º.-Prórroga e denuncia.
Este convenio prorrogarase pola tácita de ano en ano se non media denuncia expresa por escrito dunha parte ante a outra, con tres meses de anticipación ó seu vencemento.
O convenio colectivo permanecerá igual en todo o seu contido social e económico ata que se asine outro que o substitúa.
Artigo 6º.-Condicións e compensación de melloras.
As condicións contidas neste convenio colectivo establécense co carácter de mínimas.
Tódalas melloras que se implanten por normas legais ou outras serán compensables e absorbibles ata onde alcancen cos aumentos e melloras existentes ou que se poidan establecer no futuro, sempre que no cómputo anual a suma das condicións do convenio sexan máis beneficiosas.
Así mesmo, ós traballadores que con anterioridade á sinatura deste convenio teñan recoñecidas condicións económicas de mellor dereito, seranlles mantidas estas.
Artigo 7º.-Comisión paritaria do convenio.
En cumprimento do disposto no artigo 85.2º e) do R.D.L. 1/1995, do 24 de marzo, a partir da entrada en vigor deste convenio crearase unha comisión paritaria para a interpretación do convido, integrada por tres representantes titulares e dous suplentes designados pola empresa e tres vocais titulares e dous suplentes elixidos por e de entre os membros do comité de empresa, todos eles integrantes das respectivas comisións negociadoras deste convenio.
As reunións desta comisión celebraranse sempre que asista o 50% máis un, polo menos, dos membros que a compoñen e, para reunirse, será suficiente que unha das partes o solicite. Entre esta solicitude e a reunión mediará un prazo de 48 horas, como mínimo.
Consideraranse como acordos da comisión aqueles que fosen aprobados por maioría dentro das dúas partes; as discrepancias serán reflectidas na acta.
En caso de non haber acordo farase que reflicta as diferencias. En ámbolos casos o dictame da comisión servirá de informe e asesoramento á dirección da empresa e ós traballadores afectados. A dirección resolverá o que considere procedente no prazo de oito días e notificarallo a aqueles por se deciden acudir coa súa reclamación ante a xurisdicción competente.
A propia comisión establecerá as normas do seu funcionamento.
TÍTULO II
Persoal
Artigo 8º.-Cadros de persoal.
A empresa dará a coñecer no transcurso do mes de marzo de cada ano un rexistro do persoal ó servicio dela, ordenado polo seu número e facendo consta-los seguintes datos: nome e número do traballador, categoría laboral e a súa antigüidade nela, profesión ou oficio e servicio no que traballa.
Unha copia deste rexistro será entregada ó comité de empresa xunto cun anexo no que figurará un resumo do número de compoñentes de cada categoría.
Estes datos referiranse á situación laboral e profesional dos traballadores o 1 de xaneiro de cada ano de publicación do rexistro.
Respecto das bases de cotización á Seguridade Social, aplicarase o disposto na normativa legal vixente.
Artigo 9º.-Persoal de novo ingreso (período de proba).
Ó persoal de novo ingreso faráselle un contrato de traballo por escrito e deberá quedar no seu poder cunha copia.
Os períodos de proba para o persoal de novo ingreso serán os seguintes:
-Técnicos titulados: 6 meses.
-Técnicos non titulados: 2 meses.
-Administrativos: 1 mes.
-Subalternos: 1 mes.
-Aprendices e profesionais de oficio: 1 mes.
-Peóns e especialistas: 2 semanas.
Artigo 10º.-Categorías.
O persoal de Labauto Ibérica, S.A. estará encadrado nas categorías profesionais que determina a normativa vixente de aplicación e de conformidade coas definicións que figuran nos seus anexos. Á parte das diferentes categorías existentes na actualidade na empresa, esta poderá crear outras categorías non incluídas na normativa vixente e que supoñan unha adaptación ás características propias da empresa, precedendo informe dos representantes dos traballadores que subscriben este convenio.
Artigo 11º.-Postos especiais do persoal horario.
Aínda dentro dunha determinada categoría existen postos de traballo de diferente valor que son retribuídos de xeito distinto, mediante a prima de cualificación de posto. Nos casos especiais en que aínda non é tecnicamente posible a medición do traballo e a aplicación dun incentivo directo, cunha prima de cualificación de posto, como son os regradores especialistas e os xefes de equipo especialistas, a empresa manterá as primas fixas de cualificación de posto actualmente establecidas e que, de acordo coas posibilidades dos servicios técnicos, irán sendo substituídas polos sistemas de incentivos.
En calquera caso e para un mesmo posto e un mesmo rendemento, a retribución que no seu día resulte destes incentivos non deberá ser inferior á que globalmente se veña percibindo coas primas fixas de cualificación de posto.
Artigo 12º.-Xefes de equipo especialistas.
Dentro dos postos especiais citados no artigo anterior, defínese este como o do traballador que, coa categoría de especialista, asume o control do traballo nun grupo de especialistas, cableadores ou peóns, baixo as ordes dun superior xerárquico, debendo estar en condicións de efectuar traballos manuais por suplencia do persoal ó seu cargo ou cando as circunstancias o requiran.
Neste caso, cando un traballador desempeña tales funcións durante un período dun ano consecutivo ou durante tres alternos, se despois cesa na súa función, manteráselle, co carácter de mínima, a prima de cualificación establecida para o dito posto ata que polo seu ascenso á superior categoría quede superada.
Artigo 13º.-Ascensos.
Aplicarase o disposto na normativa vixente, coas seguintes puntualizacións:
A) Promoción automática á categoría superior.
Para as categorías que se indican a seguir os traballadores ascenderán automaticamente cando leven nelas os seguintes períodos de tempo:
-Auxiliar de organización a técnico de organización de 2ª: 1 ano.
-Calcador ou auxiliar delineante a delineante de 2ª: 1 ano.
-Auxiliar administrativo a oficial de 2ª administrativo: 1 ano.
-Auxiliar de laboratorio a analista de 2ª: 1 ano.
B) Existindo vacantes por baixas de persoal:
A empresa convocará concursos que permitan clasifica-lo persoal para cubrir por ascenso as vacantes producidas por baixas de persoal.
Para cada concurso existirá un programa e un baremo de puntuación confeccionado pola empresa, baixo o cal se poderán prepara-los traballadores, ben asistindo ós cursos da empresa, se os houber, ben por preparación libre, e as distintas probas profesionais, teóricas e prácticas serán feitas públicas cunha anticipación mínima de 30 días a cada concurso.
Poderanse presentar a concursos para cubrir prazas nos grupos obreiro, administrativo e técnico, nas súas diversas categorías, os traballadores que teñan unha antigüidade mínima de doce meses na categoría inferior correspondente ós postos que se pretenden cubrir dentro do subgrupo profesional respectivo.
No momento de realizar un concurso-oposición constituirase unha comisión cualificadora como máis adiante se especifica.
C) Existindo vacantes por aumento do cadro de persoal:
As vacantes que se produzan por este motivo cubriranse nun 50% por concurso-oposición e nun 50% por libre designación da empresa.
Non quedan consideradas dentro destas últimas as vacantes que a empresa deba cubrir por propia designación como consecuencia de que ningún candidato fose declarado apto.
O concurso-oposición rexerase polo punto B do presente artigo, sendo, no caso que nos ocupa, concurso libre e tendo preferencia para cubri-las ditas vacantes os da categoría inmediata inferior, coas puntualizacións que máis adiante se fan referentes á xunta cualificadora.
D) Exceptúanse do réxime de ascensos especificados nas alíneas B e C, na súa totalidade, os ascensos a xefes de 1ª e 2ª administrativos e de organización e, en xeral, os ascensos que impliquen exercicio de autoridade ou mando sobre outras persoas e os postos de confianza da empresa, así como o ascenso de peóns e cableadores a especialistas.
As probas dos concursos-oposición consitirán nun exame das aptitudes profesionais exclusivamente.
Existirá unha comisión cualificadora destes exames composta por tres titulares e dous suplentes representantes da empresa e tres titulares e dous suplentes elixidos por e de entre os membros do comité de empresa.
En caso de igual puntuación daráselle prioridade á maior antigüidade do traballador na súa categoría.
No prazo máximo de 15 días publicarase o resultado do exame.
Ós declarados aptos recoñeceráselle-la nova categoría para tódolos efectos o día 1 do mes seguinte ó da súa publicación.
Artigo 14º.-Traslados.
A) Traslados interiores.
A empresa poderá efectua-los traslados interiores que sexan necesarios por razóns organizativas de traballo, aínda que procurará, dentro do posible, atende-las peticións de traslado a outros postos de traballo que sexan solicitadas polo persoal do cadro.
Os traballadores peóns, cableadores e especialistas que ocupen postos de traballo tóxicos serán trasladados a petición propia a outros postos que non presenten estas características e substituídos por persoal de novo ingreso, sempre que se produza contratación exterior e leven máis de tres anos nos ditos postos.
TÍTULO III
Réxime de traballo
Artigo 15º.-Xornada laboral e vacacións.
Establécese que a xornada será a mesma en horas efectivas de traballo en cómputo anual para todo o persoal.
O número de horas efectivas de traballo en cómputo anual será de mil setecentas sesenta horas, non entrando no cálculo deste cómputo de horas ningún tipo de descanso (mesmo os retribuídos).
Para efectos de xornada máxima legal semanal realizarase o cálculo correspondente tomando en consideración o cómputo anual, sen que exceda, en ningún caso, de 40 horas semanais.
Ámbolos contratantes acordan que a xornada pactada, os calendarios laborais e horarios vixentes son aplicación do R.D.L. 1/1995, do 24 de marzo.
Cando o persoal a quendas traballe unha xornada durante a cal non lle corresponda traballar na quenda normal, nos servicios e talleres destas últimas estableceranse, ó criterio dos correspondentes responsables, reténs de asistencia segundo as necesidades que estes aprecien.
Ós afectados por estes reténs compensaránselle-las horas traballadas coas do día da semana que elixan, de acordo coas necesidades do servicio.
O período de vacacións será de 30 días (trinta) naturais.
Artigo 16º.-Licencias.
Todo o persoal fixo pertencente á cadro de persoal da empresa terá dereito a desfrutar tres xornadas anuais de permiso non retribuído, logo de solicitude con cinco días de anticipación, sen necesidade de xustificación posterior; o persoal con contrato eventual desfrutará de forma proporcional á duración do seu contrato, un día por cada catro meses.
O traballador, logo de aviso e xustificación, poderase ausentar do traballo con dereito a remuneración polo tempo e os motivos que máis abaixo se indican.
A remuneración á que aquí se fai referencia consistirá en salario convenio e antigüidade, adicionándose para o persoal horario a prima de producción correspondente ós días ou horas de licencia coincidentes con xornadas laborais.
-Matrimonio: 15 días naturais.
-Nacemento de fillo: 3 días laborais que se poderán desfrutar dentro dos quince días seguintes ó parto. En caso de necesidade de desprazamento serán 4 días.
-Falecemento:
De pais, titores, fillos ou cónxuxe do traballador: 5 días naturais.
De avós, netos e irmáns do traballador: 3 días naturais.
De pais, avós, netos e irmáns do cónxuxe: 3 días naturais.
De xenros, noras e cónxuxe do irmán do traballador: 2 días naturais.
Se existe necesidade de desprazamento nestes tres últimos casos, corresponderá un día natural máis.
De tíos consanguíneos: 1 día natural
-Enfermidade grave:
De pais, titores, fillos e cónxuxe do traballador: ata 3 días naturais (valorando circunstancias de cada caso). En caso de necesidade de desprazamento, corresponderá un día máis.
De avós, netos e irmáns do traballador: 2 días naturais.
De pais, avós, netos e irmáns do cónxuxe: 2 días naturais.
De xenros, noras e cónxuxe do irmán do traballador: 2 días naturais.
Se existe necesidade de desprazamento nestes tres últimos casos, corresponderán dous días naturais máis.
-Matrimonio: de padres, hijos, hermanos y nietos: 1 día natural.
-Traslado de domicilio habitual: 1 día laborable
-Cumprimento de deber público: polo tempo indispensable para o cumprimento dun deber inescusable de carácter público e personal, con posterior xustificación.
Artigo 17º.-Excedencias.
As excedencias concederanse de acordo co establecido na normativa vixente de aplicación.
A empresa admitirá o excedente nun prazo máximo de 15 días a partir da data en que expire a excedencia, sempre que o solicitase dentro do prazo regulamentario e que se encontre en condicións de aptitude para o seu traballo habitual.
Ó serlle concedida a excedencia daráselle ó traballador un certificado do servicio médico da empresa no que consten as súas condicións de aptitude ou limitación para o traballo, sempre que el mesmo o solicite.
Se o traballador, tendo transcorrido como mínimo o 75% do tempo de excedencia concedido, solicitase o seu reingreso, admitirá a súa solicitude para a primeira vacante que exista da súa categoría.
O comité de empresa poderá pedir que se lle dea coñecemento dos rexeitamentos que se producisen das solicitudes de reingreso dos excedentes.
TÍTULO IV
Régimen de retribucións
A) TEMPOS E RENDEMENTOS.
Artigo 18º.-Tempos.
Os tempos determinaranse polos procedementos de cronometraxe e valoración empregados ata a data polos servicios técnicos da empresa e poden ser estimados, provisionais e definitivos. Ó pórse en marcha unha nova operación ou unha modificación de posto e ata que sexa posible realiza-la primeira cronometraxe, aplicaranse os tempos estimados, que serán obtidos por apreciación.
Consideraranse como tempos provisionais os obtidos na primeira cronometraxe dun traballo novo ou modi
ficado, que se producirá inmediatamente despois de que os servicios técnicos consideren dunha garantía mínima a estabilización do método e a práctica do operador.
Consideraranse tempos definitivos os asignados a cada traballo na segunda cronometraxe, que se realizará en canto as condicións mecánicas e operatorias se encontren totalmente estabilizadas, non debendo normalmente producirse despois de seis meses da primeira cronometraxe para os postos individuais, nin de doce meses para as liñas e traballos colectivos.
Artigo 19º.-Revisión dos tempos.
Os tempos definitivos non poderán ser modificados, excepto nos casos seguintes:
a) Por modificación dos medios: máquinas, equipamentos, ferramentas, etc.
b) Por mellora do proceso operatorio, calquera que sexa a orixe da mellora.
c) Por variación das frecuencias dos traballos ou fases irregulares que consten na folla de análise do posto.
d) Por erros de cálculo comprobables nas gamas e follas de análise.
e) Nos postos considerados como de tempos variables por circunstancias alleas a eles, como recuperación de pezas, etc. os tempos serán revisados periódica e sistematicamente, sen alcanzaren nunca a consideración de definitivos.
Nos casos de discrepancia individual, aplicarase o disposto na normativa vixente de aplicación.
Artigo 20º.-Aplicación dos tempos.
A empresa adoptará o sistema de prima individual en tódolos casos en que sexa tecnicamente posible e mentres a organización do traballo non aconselle o contrario.
Cando un traballador deba pasar dun posto productivo a outro productivo non parecido, facilitaráselle que no novo posto consiga o seu Kb habitual mediante as compensacións de aprendizaxe.
Se traballa a prima individual, a compensación da aprendizaxe consistirá en aboarlle toda a quincena o Kb obtido nos últimos días, sen sobrepasa-lo Kb medio obtido nas tres últimas quincenas no posto anterior.
Esta compensación, que terá unha duración máxima de dúas quincenas, deixará de facerse se o operario non mellora diariamente o seu Kb. Se o cambio se produciu despois dos seis primeiros días da quincena ou dura menos de seis días impedíndolle ó operario chegar a un Kb razoable, pagaráselle toda a quincena o Kb proporcional que resultaría de seguir en toda ela o mesmo progreso observado nos días de aprendizaxe.
Se traballa en grupos colectivos, cobrará o Kb que obteña o grupo e, para que o dito Kb non baixe con motivo da falta de práctica do novo operario, emi
tiránselle a este solicitudes de crédito de aprendizaxe diarias, en función das horas doutro traballador productivo que deba empregar para completa-lo posto do novo traballador.
Estas solicitudes seranlle aboadas, así mesmo, ó Kb medio que obteña o grupo, ata un máximo de vinte horas para cambio de posto dentro dun mesmo grupo ou cando o traballador xa traballase no dito grupo e ata un máximo de corenta horas nos demais casos.
Proporcionaráselle a todo traballador, se o solicita, o tempo cronometrado individual ou de grupo que se empregue para calcula-la súa prima e, nas liñas, o das operacións asignadas ó dito traballador, especificado por operacións.
Artigo 21º.-Rendementos.
Establécese que o rendemento mínimo será o chamado Kb=0,75, equivalente a 45 minutos/hora, para efectos do disposto na normativa legal vixente, así como para os efectos disciplinarios oportunos.
Establécese como rendemento normal ou habitual do traballador, para efectos do preceptuado no artigo 54.2º, alínea e) do R.D.L. 1/1995, do 24 de marzo, o que este viñese obtendo en precedentes períodos de tempo, podéndose considerar como período para determina-lo dito rendemento normal un mínimo dun mes e un máximo dun ano. Cando non exista medio de comparación propio dun posto de traballo, considerarase como rendemento normal o que obtivesen outros traballadores no mesmo posto ou similar.
O período de tempo para determinar que existe continuidade no baixo rendemento a que se refire o dito artigo 54.2º, alínea e do R.D.L. 1/1995, do 24 de marzo, será diferente segundo se trate dun traballador ou ben afecte un grupo de traballadores, sobre todo se como consecuencia disto se deriva escándalo ou se producise indisciplina ou incitación a outros traballadores a secundar tal actitude.
No que se refire a traballadores que ocupan postos non cronometrados e unicamente cando se trate dun caso illado será necesario, para considerar continuidade suficiente no baixo rendemento, que este se producise no período dun mes despois de ser apercibido.
Artigo 22º.-Comisión paritaria de tempos.
Para entender sobre as reclamacións individuais nacidas da aplicación do sistema de análise e control de rendementos persoais, existirá unha comisión paritaria de tempos composta por 4 membros representantes da dirección (dous titulares e dous suplentes) e 4 membros do comité de empresa (dous titulares e dous suplentes).
De entre e polos compoñentes da comisión elixirase un presidente e un secretario, cargos que deberán recaer en membros de ámbalas representacións.
Tódolos membros titulares da dita comisión disporán de vinte horas retribuídas ó mes para o desempeño das súas funcións.
Reunións da comisión paritaria: haberá dous tipos de reunións, ordinarias e extraordinarias. As ordinarias terán lugar unha vez ó mes dentro da súa primeira quincena. Terán carácter de extraordinarias as convocadas por iniciativa de calquera das dúas representacións. Tódalas reunións, tanto ordinarias coma extraordinarias, deberán ser convocadas polo presidente e secretario cun prazo de 48 horas de anticipación, con indicación de lugar de reunión, día, horas e orde do día.
A comisión paritaria enviará informe de tódalas reunións que celebre ó comité de empresa e á dirección desta.
De solicitalo, a comisión paritaria será informada dos rendementos obtidos polos diferentes talleres de fábrica en cada unha das quincenas do ano.
B) Condicións económicas.
Artigo 23º.-Salarios.
O 1 de xaneiro de 1997 os salarios de fábrica experimentarán un aumento do 3%, que se aplicará de forma proporcional para tódolos traballadores e sobre tódolos conceptos, tanto salariais como de axuda social.
a) Retribución do persoal horario
Componse de salario convenio, complemento, prima de producción (nos casos establecidos) e prima de posto (nos casos establecidos)
O salario convenio móstrase no anexo I do presente convenio.
b) Retribución do persoal mensual e táboas de retribucións mínimas.
As retribucións do persoal mensual serán incrementadas nun 3% sobre as existentes o 31-12-1996.
Coa entrada en vigor do presente convenio colectivo, Labauto Ibérica, S.A. actualizará a táboa existente de retribucións mínimas garantidas para o persoal mensual incrementadas nun 3%, quedando coas contías seguintes por categoría:
Táboas mínimas persoal mensual
Categorías:
Subalternos: 2.165.730 ptas/ano.
Administrativo Of. 2ª: 2.148.118 ptas./ano.
Administrativo Of. 1ª: 2.535.484 ptas./ano.
Xefe administrativo 2ª: 2.817.206 ptas./ano.
Técnico organización 2ª: 2.394.630 ptas./ano.
Técnico organización 1ª: 2.641.128 ptas./ano.
Xefe organización 2ª: 2.922.850 ptas./ano.
Encargado: 2.535.484 ptas./ano.
Contramestre: 2.817.206 ptas./ano.
Xefe de taller: 2.169.460 ptas./ano.
Enxeñeiro técnico: 2.499.168 ptas./ano.
Enxeñeiro superior: 3.282.496 ptas./ano.
Diplomado empresariais: 2.464.672 ptas./ano.
c) Durante o ano 1997 a retribución de aprendices maiores de 18 anos será de acordo coas seguintes consideracións:
1. Durante os 6 primeiros meses de aprendizaxe aboaráselle a este o 70% do salario que lle corresponda ó cableador que figura no anexo I do presente convenio.
2. Os 6 meses seguintes aboaráselle o 80%.
3. Os últimos 6 meses aboaráselle o 90%.
4. Unha vez finalizados os tres períodos anteriores o aprendiz pasará a ter, como mínimo, a categoría de cableador e percibirá a cantidade que corresponda a cada categoría.
Artigo 24º.-Complemento salarial.
A contía deste complemento salarial, coa mesma validez e categoría que o salario, aplicarase do xeito que a seguir se indica:
-Persoal horario: ver táboas
-Persoal mensual: o valor individual de cada traballador recoñecido o 31-12-1996 incrementarase na mesma evolución que o salario.
Artigo 25º.-Complemento de puntualidade e prima de asistencia.
Para tódalas categorías de persoal horario a súa aplicación manterase de acordo cos criterios actuais sobre as horas ordinarias, pero aumentando o seu valor para 1997 a 68,48 ptas./brutas/día.
Para o persoal mensual, a prima de asistencia e puntualidade para 1997 será de 1.322 ptas./brutas/mes, sendo as súas normas de aplicación as mesmas que se utilizan para o persoal horario.
Artigo 26º.-Primas de producción directa.
As primas de producción directa vixentes o 31-12-1996 incrementaranse no 3% e devengaranse e aplicaranse segundo o establecido no artigo 29º deste convenio colectivo.
O minuto producido terá un valor de 1,6825 ptas. ata 54 minutos/hora (Kb, 0,90) e de 1,7204 ptas. para os minutos/hora que excedan de 54,0 ou, o que é o mesmo, aplicaranse as fórmulas seguintes:
Ata Kb 0,90 prima = 283,1484 x Kb - 163,9782 ptas./hora
Desde Kb 0,91 prima = 307,7393 x Kb - 186,1099 ptas./hora
Artigo 27º.-Primas de producción indirecta.
(Tarifa fixa-mantemento)
Os valores de prima de producción indirecta o día 31-12-1996 incrementaranse no 3,00% e devengaranse e aplicaranse segundo o establecido no artigo 29º deste convenio colectivo. Pagaranse de acordo co coeficiente de rendemento obtido e mediante a aplicación da fórmula seguinte:
Prima en ptas./hora = 211,9733 x coeficiente + 82,7354 ptas./h.
Artigo 28º.-Primas de cualificación de postos de peóns, cableadores e especialistas.
Devénganse sobre os tempos establecidos no artigo 29 e a partir, como é habitual, do rendemento Kb = 0,75, cos valores seguintes:
10,0743 ptas./minuto producido.
20,1290 ptas./minuto producido.
30,2591 ptas./minuto producido.
40,4983 ptas./minuto producido.
50.7020 ptas./minuto producido.
60,9766 ptas./minuto producido.
71,2148 ptas./minuto producido.
81,4882 ptas./minuto producido.
91,7622 ptas./minuto producido.
A prima fixa de cualificación do posto establécese en:
Para regradores especialistas = 91,03 ptas./hora
Artigo 29º.-Aplicación das primas de producción en persoal horario.
Aplicaranse, como é habitual, sobre:
a) Tempos efectivos de traballo, co valor correspondente ó rendemento realizado individual ou colectivamente.
b) Vacacións 30 días ou a súa proporción.
c) Pagas extraordinarias de xullo e Nadal 25 días ou a súa proporción.
Así mesmo, aplicaranse sobre as horas de licencias retribuídas conforme o artigo 16º.
Para as alíneas b) e c), así como para as licencias retribuídas, aplicaranse os valores medios das primas de producción obtidas nos tres últimos meses traballados.
Artigo 30º.-Primas de postos non cronometrados.
A prima fixa para os postos non cronometrados establécense cos seguintes valores:
Cableadores: 19,12 ptas./brutas/hora.
Peóns: 19,12 ptas./brutas/hora.
Especialistas: 38,26 ptas./bruta/hora.
Especialistas cualificados: 38,26 ptas./bruta/hora.
Oficiais de 3ª: 61,59 ptas./bruta/hora.
Oficiais de 2ª: 70,18 ptas./bruta/hora.
Oficiais de 1ª: 77,11 ptas./bruta/hora.
Ó persoal de novo ingreso aplicaráselle 117,77 ptas./brutas/horas.
Artigo 31º.-Postos tóxicos, penosos e perigosos.
Será aumentada a contía das primas, pasando todo o persoal afectado por este concepto a cobrar 17,67 ptas. brutas/hora.
Artigo 32º.-Complemento por traballo nocturno.
O complemento de traballo nocturno, nos casos aplicables, consistirá no vintecinco por cento do salario base e complemento salarial.
Artigo 33º.-Antigüidade.
O valor da antigüidade para 1997 será o seguinte, por cada trienio que corresponda:
-Persoal horario: 57,44 ptas./brutas/día.
-Persoal mensual: 1.710 ptas./brutas/mes.
Para todo o persoal procedente de Citroën, cunha antigüidade anterior ó 1 de setembro de 1989, establécense os seguintes complementos de antigüidade en concepto de absorción dos dereitos adquiridos sobre a utilización do economato:
-Persoal horario: 53,60 ptas. brutas/día (425 días)
-Persoa mensual: 1.607 ptas. brutas/mes (14 mensualidades)
Artigo 34º.-Horas extraordinarias.
A fórmula para establece-lo valor base da hora sobre a cal se apliquen os recargos que correspondan continuará sendo a actual, partindo dos valores ano que comprendan as primas e incentivos ó valor de Kb = 0,75:
Devengo anual x 12
Valor base hora= / coeficiente corrector 1,03
1760 x 14
Ó valor resultante incrementaránselle os recargos porcentuais legais que correspondan.
A empresa deberalles comunicar ós traballadores afectados a necesidade de traballar en horas extraordinarias cunha anticipación suficiente e, cando menos, deberase efectuar 24 horas antes do día en que deban realizarse, salvo naqueles casos considerados de forza maior ou para previr ou reparar sinistros ou outros danos extraordinarios e urxentes, caso no que se considerará obrigatoria a prestación.
Se as circunstancias técnicas e productivas o esixisen, a empresa poderá establece-la realización dun máximo de 80 horas extraordinarias estructurais por traballador e ano. A posible realización deste tipo de horas extraordinarias estructurais será voluntaria e terá carácter xeral.
Artigo 35º.-Gratificacións extraordinarias.
As pagas extraordinarias do mes de xullo e Nadal serán aboadas a razón de 25 días laborais e 5 festivos cada unha delas.
A empresa aboará as pagas extraordinarias do mes de xullo e Nadal, completas, a tódolos traballadores que estivesen en situación de IT (incapacidade temporal) no semestre anterior, en tanto subsista a obriga de cotizar á Seguridade Social, tomando como prima base a media dos tres últimos meses traballados.
Artigo 36º.-Complemento das prestacións por incapacidade temporal.
Para 1997, e con expresa exclusión de prórroga tácita, a empresa complementará as prestacións derivadas de IT (incapacidade temporal), (tanto por enfermidade común como por accidente de traballo) ata o 100% do salario individual (salario base, complemento, antigüidade e prima de producción), desde o día 15 de cada período de baixa médica oficial ata o día 21, ámbolos dous incluídos.
O citado complemento manterase en canto permanezan vixentes as actuais bases de cálculo e porcentaxes de pagamento da mencionada prestación.
A empresa reserva o dereito de verifica-lo estado de IT (incapacidade temporal), a través de persoal sanitario propio ou concertado. A negativa ós ditos recoñecementos poderá determina-la exclusión do aboamento do complemento aquí regulado, así como a negativa a segui-los tratamentos prescritos ou a non presentación dos correspondentes partes de baixa ou confirmación.
TÍTULO V
Previsión e política social
Artigo 37º.-Formación.
Labauto Ibérica, S.A. potenciará as súas accións de formación destinadas ó conxunto do persoal para o seu perfeccionamento profesional e a súa adaptación permanente ás novas tecnoloxías de producción e ós novos métodos de organización e xestión.
O plan de formación establecido para 1997 prevé a realización aproximada de 22.500 horas, cubrindo as seguintes áreas:
-Automatismos e novas tecnoloxías.
-Organización e métodos.
-Calidade.
-Informática e microinformática.
-Recursos humanos.
-Técnicas específicas do taller.
-Idiomas.
-Formacións específicas e outras.
A asistencia ós diferentes cursos virá determinada pola necesidade de proporcionarlle ó persoal os coñecementos requiridos para un desenvolvemento eficaz das súas funcións e unha correcta adaptación á evolución técnica e organizativa da empresa.
A empresa proporcionaralle trimestralmente á representación dos traballadores información sobre o grao de cumprimento do plan de formación.
Artigo 38º.-Bolsas de estudio.
A empresa concederá a cantidade dun millón setecentas setenta e tres mil cincocentas corenta pesetas (1.773.540 ptas) durante o ano 1997 con motivo de axuda a estudios, as cales se distribuirán linealmente a todo o persoal que se encontre de alta nela na mesma
data 30-9 de cada ano e incrementarase no mesmo valor que o salario.
Artigo 39º.-Vivendas.
Labauto Ibérica, S.A., mantén o fondo de dezaseis millóns novecentas unha mil catrocentas vintecinco (16.901.425 ptas.) como dotación para préstamos destinados á adquisición, construcción e reparación de vivenda propia que se utilice ou vaia utilizar como domicilio familiar, dando preferencia ás vivendas en réxime de cooperativa ou de iniciativa oficial.
As características principais destes préstamos serán as seguintes:
- Importe máximo: 1.000.000 de ptas.
- Prazo de devolución: 5 anos.
- Xuro: 4,5%.
A dirección establecerá as diferentes contías dos préstamos en función da situación familiar e as normas para a súa concesión.
Para a concesión dos préstamos crearase unha comisión paritaria composta por dous membros do comité de empresa e dous representantes da dirección, presidida por un dos representantes da empresa con voto de calidade.
Artigo 40º.-Seguro de viaxes.
A empresa manterá os seguros de accidentes que actualmente ten establecidos para o persoal que, por necesidades do servicio, teña que desprazarse a unha localidade distinta do seu centro de traballo.
Artigo 41º.-Seguro de vida.
A empresa manterá o seguro colectivo de vida que ó seu cargo ten actualmente establecido para todo o persoal do cadro.
O capital asegurado para o persoal fixo será equivalente ó salario anual, entendendo por tal, se é o caso, o salario base, complemento, antigüidade e prima de producción, tomando como referencia o nivel salarial do 1 de xaneiro de cada ano.
Para o persoal eventual, o capital asegurado durante o ano 1997 ascende a un millón setecentas trece mil duascentas corenta pesetas (1.713.240 ptas./persoa).
Este seguro garante os riscos alternativos seguintes:
-Morte natural: aboamento do capital asegurado.
-Morte por accidente: aboamento de dúas veces o capital asegurado.
-Gran invalidez: aboamento do capital asegurado.
-Incapacidade permanente absoluta: aboamento do capital asegurado.
-Incapacidade permanente total: aboamento do capital asegurado; adquírese o dereito no momento de causar baixa no cadro de persoal da empresa e recoñecemento legal de tal situación.
A cobertura deste seguro alcanza a totalidade do cadro de persoal da empresa en situación de activo, entendendo tamén como tal a situación legal de IT
(incapacidade temporal), ata o máximo previsto no artigo 131. bis.2 da Lei xeral da Seguridade Social, segundo redacción dada pola Lei 42/1994, do 30 de decembro. Para isto é imprescindible que os afectados, no mes de xaneiro de cada ano, informen e xustifiquen ante a empresa as súas circunstancias. Nestes casos os capitais asegurados manterán o nivel que tiñan no momento de finaliza-la obrigatoriedade de cotización da empresa á Seguridade Social.
Artigo 42º.-Mutualidade de previsión social.
A aportación da empresa á mutualidade de previsión social Labauto-Allibert a prima fixa, durante a vixencia do presente convenio colectivo, fíxase en 193 ptas./mes por cada persoa que se encontre ó servicio da empresa indistintamente da súa categoría e salario. A cantidade que resulte aboarase mensualmente para cubri-los fins actuais regulamentarios establecidos nos estatutos vixentes o 31 de decembro de 1990 e adaptados ó actual Regulamento de entidades de previsión social.
Artigo 43º.-Préstamos persoais.
Concederanse préstamos a tódolos traballadores da empresa que os soliciten.
-Importe máximo: 107.120 ptas./traballador
A dita cantidade será descontada nas doce pagas seguintes á concesión do préstamo e sen xuro ningún.
En canto ós traballadores eventuais, poderán acceder a estes préstamos sendo descontadas as cantidades sen xuro ningún e en tantos prazos como meses quedan para a finalización do seu contrato.
Cando estes contratos eventuais teñan unha duración de máis de doce meses, acolleranse ás mesmas condicións que o persoal fixo.
Estes préstamos persoais no poderán superar no seu conxunto os dez millóns de pesetas.
Artigo 44º.-Residencias de verán.
A empresa fará as xestións oportunas co fin de contratar hoteis ou residencias para que os colaboradores e os seus familiares os poidan desfrutar durante as vacacións.
Artigo 45º.-Financiamento de vehículos.
Establécese durante 1997 e para o persoal fixo do cadro, un sistema de financiamento para a compra de vehículos cunhas condicións particulares que se axustarán ás ofertas que as entidades bancarias estipulen e que serán postas en coñecemento de tódolos traballadores. En todo caso as condicións xerais de financiamento serán as seguintes:
Modalidade de financiamento.
Un único crédito con amortización (principal máis xuros) entre un e seis anos.
Forma de pagamento: mediante desconto en nómina (12 mensualidades).
Formalización do financiamento: formalizarase en todo caso a través dos departamentos correspondentes da empresa e a entidade financeira.
Artigo 46º.-Vehículos.
Labauto Ibérica, S.A. para 1997 manterá o fondo de sete millóns oitocentas sesenta e catro mil novecentas sesenta e sete pesetas (7.864.967 ptas.) como dotación para préstamos destinado á adquisición de vehículos.
As características principais destes préstamos serán as seguintes:
-Importe máximo: 500.000 ptas.
-Prazo de devolución: 4 anos.
-Xuro: 7%.
Para a concesión dos ditos préstamos terase en conta a situación familiar do solicitante e a súa antigüidade na empresa; daráselle preferencia ós traballadores que carezan de vehículo sobre os que o teñan.
Os beneficiarios destes préstamos non se poderán acoller ó sistema de financiamento previsto no artigo 45º.
Durante 1997 crearase unha comisión paritaria para a concesión dos préstamos, composta por dous membros representantes do comité e por outros tantos membros representantes da dirección. A comisión estará presidida por un dos representantes da dirección con voto de calidade.
Artigo 47º.-Seguridade e saúde no traballo.
Nesta materia observarase a lexislación vixente, que ten como norma básica a nova Lei de prevención de riscos laborais (31/1995). Así mesmo, serán aplicadas as regulamentacións que o lexislador leve a cabo en desenvolvemento da dita lei.
Créase a figura do delegado de prevención, que será o encargado de colaborar, xunto coa dirección da empresa, na acción preventiva; de fomenta-la cooperación dos traballadores no dito campo e de velar polo cumprimento da normativa vixente e será consultado polo empresario para a toma de decisións que poidan ter efectos sobre a seguridade e saúde dos traballadores.
Establécese que, ademais do mínimo previsto na lei para o cadro de persoal da empresa, o seu número será de 4 e serán elixidos por e entre os representantes do persoal.
O comité de seguridade e saúde no traballo será o órgano destinado á consulta das actuacións da empresa en materia de prevención de riscos e atenderá os problemas referentes á seguridade e a saúde no traballo. Estará formado polos 4 delegados de prevención e por 4 representantes da empresa.
O seu funcionamento, así como as súas competencias e facultades, son as establecidas nos artigo 38 e 39 da Lei de prevención de riscos laborais, 31/1995.
Disposicións derradeiras
Primeira.-Regulación subsidiaria.
En todo o non previsto no presente convenio e demais normativa de índole xeral, as partes contra
tantes expresamente conveñen en que se aplicará a título de dereito dispositivo a normativa vixente en cada caso.
Segunda.-Vinculación á totalidade.
No suposto de que a xurisdicción laboral, no exercicio das atribucións que lle son propias, invalide algún dos pactos do convenio, quedaría este sen efecto e debería ser reconsiderado de novo na súa totalidade, para o que as partes contratantes se reunirán a través das súas respectivas comisións negociadoras.
Terceira.-Reclamacións previas.
Como parte das estipulacións do presente convenio colectivo, ámbolos contratantes manifestan a súa intención de informar e discutir previamente en reunión conxunta todas aquelas cuestións de incidencia colectiva e que poidan ser susceptibles de reclamación administrativa ou xurisdiccional.
ANEXO I A
-Relación doutros complementos salariais existentes en Labauto Ibérica, S.A. aplicables en 1997.
Os complementos referidos máis abaixo poderán sufrir variación e ser compensados e absorbidos por calquera modificación tecnolóxica, valoración de postos ou evolución da actual estructura salarial e, en xeral, por calquera outra causa que poida facer varia-las actuais condicións salariais ou de traballo.
-Complemento de descanso en recuperación voluntaria.
É un complemento salarial que se aboa durante os días ou horas de descanso substitutorios dos que por instruccións da xerarquía e de acordo co Servicio de Persoal prolongan a súa xornada de traballo durante os días laborables ou non laborables.
A súa contía fíxase en 587 ptas./hora.
-Complemento de xornada ordinaria de traballo en sábados non laborables, domingos e festivos.
É un complemento salarial de carácter funcional e non consolidable que se lles aboa a tódolos traballadores que realizan a súa xornada ordinaria de traballo en sábados non laborables segundo o calendario laboral xeral, domingo ou día festivo. Enténdese como xornada ordinaria aquela que se realiza a teor do réxime normal de traballo establecido en taller ou servicio do traballador.
A súa contía fíxase en 384 ptas./hora
No caso de que este complemento se devengue durante a realización de horas extraordinarias, o seu valor fíxase en 311 ptas./hora.
-Complemento de quenda fixa de noite.
É un complemento salarial de carácter funcional e de natureza non consolidable que se lles aboa ós traballadores que voluntariamente acepten o réxime de traballo en quenda fixa de noite, cando menos por un período mínimo de tres meses. Quedan excluídos da percepción do complemento aqueles traballa
dores contratados expresamente para prestaren a súa actividade na dita quenda con exclusividade.
A súa contía fíxase en 130 ptas./hora.
-Complemento de xornada rotativa de mañá, tarde e noite.
É un complemento salarial de carácter funcional e de natureza non consolidable que se devenga polo réxime de traballo en quendas rotativas de mañá, tarde e noite de forma permanente e exclusiva.
A súa contía fíxase en 15,47 ptas./hora.
A contía indicada deste complemento, co mesmo carácter funcional e non consolidable, devengaraa excepcionalmente durante 1997 o persoal do servicio de mantemento e vixilancia cando por aplicación de calendarios especiais se vexa obrigado a prestar servicios en sábados non laborables, domingos ou festivos, polo menos unha vez ó mes e, en consecuencia, a desfrutar do correspondente descanso durante día ou días laborables da semana. O devengo afectaá exclusivamente ó mes en que se produza tal circunstancia.
ANEXO I
Desde a categoría de especialista a oficial 1ª, dado o cambio de actividade, respectaranse as categorías e salarios actuais que fosen adquiridos con anterioridade polos traballadores, entendéndose este recoñecemento como dereito adquirido.
Salario convenio Complemento
Categorías Ptas./hora Ptas./día Ptas./hora Ptas./día
Oficial 1ª 718,56 5.748,48 18,10 144,80 Oficial 1ª eléctrico 728,77 5.830,16 18,38 147,04 Oficial 2ª 693,43 5.547,44 17,55 140,40 Oficial 2ª eléctrico 703,51 5.628,08 17,82 142,56 Oficial 3ª 667,62 5.340,96 16,98 135,84 Oficial 3ª eléctrico 677,83 5.422,64 17,12 136,96 Espec. cualificado 600,22 4.801,76 15,33 122,64 Especialista A 589,46 4.715,68 15,06 120,48 Especialista B 533,53 4.268,24 13,81 110,48 Peón ordinario 413,13 3.305,04 11,04 88,32
Co fin de evitar interpretacións non conformes co desenvolvemento da actividade da empresa, labor realizado polos traballadores, así como calquera outra diverxencia existente na actualidade, os actuais peóns pasarán a ocupa-la categoría de nova creación, denominada cableador, coas funcións que se definen a seguir; a categoría de peón queda deserta na actualidade, categoría que no sucesivo será ocupada polos traballadores e para aquelas actividades que sinala a ordenanza de industrias siderometalúrxicas.
Cableador: empregado que desenvolve os traballos de corte, preparación, montaxe, estanquidade, sobremoldado, encintado e, en xeral, as actividades productivas ou non conexas co traballo de producción de cables e traballos de control de embalaxe.
Salario convenio Complemento
Categorías Ptas./hora Ptas./día Ptas./hora Ptas./día
Cableador 413,55 3.308,40 11,05 88,40
Complementos varios
Ptas./hora Ptas./día
* Antigüidade Persoal horario 7,18 57,44 Ptas./trienio Persoal mensual 1.710 ptas.mes *trienio
Ptas./hora Ptas./día
* Complemento antigüidade economato Persoal horario 6,70 53,60 Ptas. *(425 días) Persoal mensual 1.607 ptas.mes * (14 mensualidad)
* Plus asistencia Persoal horario 8,56 68,48 Persoal mensual 1.322 ptas. mes asistencia
Plus X. de equipo O.S. 89,34 714,74 Plus X. de equipo oficial 56,20 449,57 Tóxico 17,67 Festividade 084,00 Correquendas 15,47 Complento provisional 587,00 Complemento 3º quenda fixa 130,00 Complemento horas extras Estruc. 311,00 Nocturnidade: 25% do salario máis complemento
ANEXO III
O comité e a empresa coinciden en que é un obxectivo prioritario a consolidación da empresa no sector de cables do automóbil polo que, como consecuencia do asinamento deste convenio, se garante o mantemento do emprego do persoal fixo actual como mínimo, ó mesmo tempo que o dos eventuais precisos para o desenvolvemento normal da actividade ata, polo menos, o ano 1998, inclusive.
Con este motivo a empresa comprométese a realiza-los investimentos necesarios que crea convenientes co obxecto de forma-lo persoal e compra-los útiles e/ou maquinaria que permitan fortalece-las posición competitiva da empresa dentro do sector.
Crearase unha comisión para identificar aqueles aspectos susceptibles de mellora, co fin de alcanzar
un clima de confianza, diálogo e colaboración mutua que permita corrixir tódolos problemas que afecten negativamente a productividade e competitividade da empresa.
Esta comisión estará formada por representantes da dirección e membros do comité asinantes deste convenio.
ANEXO IV
A empresa comprométese a:
a) Información sobre baixas no cadro de persoal: trimestralmente informarase o comité de empresa sobre as baixas de persoal, fixo ou temporal, que se produzan, así como as súas causas (finalización do contrato, voluntarias, despedimentos, etc.).
b) Información sobre previsión e modalidades de contratación: trimestralmente a empresa informará o comité de empresa sobre a evolución previsible da contratación, en máis ou menos, en función do nivel de producción previsto, evolución do mercado, etc.
Así mesmo, e respecto das contratacións en prácticas e para a formación, a empresa informará sobre as perspectivas de traballo estable, sen prexuízo da evolución da situación xeral e específica da empresa, adaptación do traballador ó posto, nivel profesional adecuado, etc.
c) Destino dos recursos investimentos productivos e xeradores de emprego: informarase o comité de empresa sobre o destino dos recursos que se invistan en finalidades de carácter productivo, explicando as grandes liñas que forman os plans de investimento e valorando en qué medida xeran emprego ou aseguran o actual nivel.
d) Información ó comité de seguridade e saúde sobre organización e métodos de traballo en novas tecnoloxías: o comité de seguridade e saúde será informado sobre a organización técnica de novas instalacións e, en xeral, das circunstancias concorrentes no contorno humano dos postos de traballo das ditas instalacións, así como sobre a súa vertente económica.
e) Adaptación da muller xestante en posto adecuado: en función do informe que o servicio médico emita, procederase ó cambio de posto de traballo ou adaptación do que teña a traballadora, evitando ambientes, posturas ou quendas que prexudiquen a xestación.
f) Información previa do comité de empresa sobre a definición dos plans de formación: anualmente a empresa exporá ó comité de empresa as liñas definitorias da súa política respecto á formación, así como a definición concreta de tal filosofía a través dos plans anuais, subvencionados ou non.
Trimestralmente informarase sobre o nivel de cumprimento dos plans previstos.
g) Promoción profesional en función da formación recibida: á hora de estudiar unha promoción a categoría ou posto superior, teranse en conta como factores importantes as áreas de formación profesional recibidas, actitude ante a formación continuada, potencial cultural que facilite o desempeño do novo posto de traballo, etc.
ANEXO V
ACORDO COMITÉ DE EMPRESA-DIRECCIÓN LABAUTO
As partes constatan que a empresa, ademais dos contratos e pedidos normais, ten pedidos especiais para determinado servicio ou execución de determinado traballo. Xa que logo:
1. Ó abeiro do artigo 15 do estatuto e de acordo co disposto no apartado 1º do dito artigo e o artigo 2 do Real decreto 2546/1994, do 29 de decembro, ámbalas partes conveñen en definir e concreta-lo contrato para obra ou servicio determinado como aquel que se concerte entre empresa e traballador, en virtude dun pedido determinado que reciba a empresa de
calquera outra empresa; e referido ó cableado dun modelo de vehículo concreto.
2. Así, e a título enunciativo e non limitativo, convense en que, recibido un pedido para executar un traballo de cableado, este deberá especifica-lo modelo de vehículo de que se trate, e logo de acordo do comité de empresa, esta poderá proceder a contratar traballadores para o servicio determinado, consistente no cableado do vehículo indicado.
3. O número máximo de persoas con este tipo de contrato para un pedido concreto calcularase do seguinte xeito:
Nº de vehículo x tempo duración media dunha familia
Productividade
4. O dito contrato terá a duración do pedido e finalizará cando este se cumprise e se deixe de cablear ou operar sobre o vehículo considerado e, en todo caso, terá unha duración máxima de tres anos.
5. Se o contrato tivese que prolongarse por un período superior a un ano, a empresa, de acordo co artigo 8.2º do Real decreto 2546/1994, comunicarallo ó interesado e para rescindilo deberase operar como indica o dito artigo.
6. A finalización do pedido ou o cesamento no cableado do vehículo considerado seralle comunicado ó comité de empresa.
7. Por cada pedido da empresa que solicite o cableado ou outra operación para un modelo de vehículo concreto, poderase utiliza-la contratación para servicio determinado e logo de acordo co comité de empresa.
8. Quedan excluídos da dita forma de contratación os traballos que se efectúan para os vehículos C-15, AX, ZX, N3, dado que se consideran como traballos habituais da empresa.
9. Se por lei se regula un novo tipo de contrato de traballo que mellore as condicións para o traballador respecto ó aquí especificado e se axuste ós obxectivos descritos, utilizarase ese novo contrato.
4953
