Por resolución da Alcaldía do 5 de maio do ano que andamos, acordouse aprobar inicialmente o plan parcial para a ordenación de parte do solo apto para urbanizar residencial de baixa densidade-1 A Castellana no lugar de Outeiro-Cambre, das normas subsidiarias municipais, presentado por Enrique Vázquez Salinas, Antonio Moure Rama e Daniel Castro Rodríguez, e redactado polos arquitectos Ángel Luis e Eduardo Monteoliva Díaz.
O que se fai público para xeral coñecemento. O expediente sométese á información pública polo prazo dun mes mediante anuncio no Diario Oficial de Galicia e nun dos xornais de maior circulación da provincia, de conformidade co establecido no artigo 42 da Lei 1/1997, do solo de Galicia.
Durante o citado prazo poderanse formula-las alegacións que se coiden pertinentes. O expediente poderá ser consultado na Unidade Xurídica de Urbanismo e Persoal deste concello.
Cambre, 27 de maio de 1997.
Antonio Varela Saavedra
Alcalde
4559