A disposición adicional sétima da Lei 11/1995, do 28 de decembro, de presupostos xerais da Comunidade Autónoma de Galicia para 1996, no seu apartado tres establece que o Consello da Xunta, na forma prevista na Lei 3/1985, do 12 de abril, poderá desafectar e cedérlle-lo uso dos bens inmobles das extintas cámaras agrarias ós concellos, organizacións profesionais agrarias ou outras entidades públicas ou privadas sen fin de lucro, sempre que quede garantida a conservación e aplicación deles para os fins e servicios de interese xeral agrario. A dita cesión requirirá informe favorable da Consellería de Agricultura, Gandería e Montes.

Tendo en conta as solicitudes de cesión do uso presentadas, así como o informe da Consellería de

Agricultura, Gandería e Montes favorable á cesión do uso, do 21 de xuño de 1996, foi tramitado pola Consellería de Economía e Facenda, segundo o disposto no artigo 10 da Lei 3/1985, expediente de desafectación do dominio público de varios inmobles.

Por todo isto, de conformidade coa proposta do conselleiro de Economía e Facenda e logo de deliberación do Consello da Xunta de Galicia na súa reunión do día cinco de xuño de mil novecentos noventa e sete,

DISPOÑO:

Artigo 1º

Desaféctanse do dominio público os bens descritos a continuación:

1. Urbano.-Edificio sen número no sitio de Arriba do Prado ou Arrequento, no lugar de Gomil, parroquia e municipio de Aranga (A Coruña), composto de planta baixa, distribuída en arquivo, secretaría, sala de xuntas e oficinas, dunha superficie construída aproximada de 63 m. Rodeada por tódolos seus aires por un terreo destinado a monte de 9 áreas e 18 centiáreas. Forma todo un só predio de dous ferrados e cuarto, ou 9 áreas e 81 centiáreas. Linda: norte, regato de Foxo, que o separa do campo de José Grañas e Ángel Vázquez; sur, o seu cerrado de monte da herdanza e dos herdeiros de Francisco García; leste, prado ó que lle chaman Longo, de Ángel Vázquez Roca, e máis camiño; e oeste, o seu cerrado de monte da herdanza e dos herdeiros de Francisco García.

Inscrito no Rexistro da Propiedade de Betanzos no tomo 1.431, libro 42, folio 134, predio nº 3.257, inscrición 4ª.

2. Rústica.-Terreo ó que lle chaman Horta da Baiuca, no lugar da Baiuca, parroquia e municipio de Arteixo (A Coruña), que mide seis áreas e vinteoito centiáreas, ou un ferrado e dez cuartillos. Linda: norte, casa, cortes e horta dos de Enrique Sánchez Vázquez; sur, herdeiros de Santiago Astray, valo da súa propiedade no medio; leste, labradío dos mesmos herdeiros de Astray, valo no medio; e oeste, estrada da Coruña a Carballo, tamén valo no medio. Sobre este soar construíuse unha casa de aproximadamente 120 m, de planta baixa e alta.

Inscrito no Rexistro da Propiedade nº 3 da Coruña no libro 352, folio 126, predio nº 12.133, inscrición 2ª.

3. Rústico.-Predio número 9 do plano xeral da zona de concentración parcelaria de San Vicente de Boqueixón, no sitio de Fonte Branca, concello de Boqueixón (A Coruña), sobre a que hai construído un edificio dunha soa planta, que ocupa a extensión de 100 m, que forma co terreo sobrante un só predio. Linda: norte, con José Carrillo; sur, estrada da Susana a Ponte Ledesma; leste, con Consuelo Novo Mareque; e oeste, con Pedro Gómez Ferreiro.

Inscrita no Rexistro da Propiedade nº 1 de Santiago de Compostela no tomo 1215, libro 86, folio 219, predio nº 8.216, inscrición 3ª.

4. Rústico.-Terreo secaño, no sitio de Hermedesuxo de Abaixo, número 417 da zona de concentración parcelaria de San Martín e San Vicente de Duio, municipio de Fisterra (A Coruña), de 37 áreas e 85 centiáreas. Linda: norte, con camiño público; sur, con masa común (421), saída a camiño público e Manuel Castreje Leis; leste, con Fernando Insua Trillo (418); e oeste, con Ramón Senlle Santos (416). Sobre o terreo atópase construída unha casa de planta baixa, dunha superficie de 115 m; ten dúas entradas pola súa fronte norte, unha para almacén e outra para oficinas. Linda por tódolos seus ventos co predio no que está situado.

Inscrito no Rexistro da Propiedade de Corcubión no tomo 544, libro 53, folio 84, predio nº 6.029, inscrición 3ª.

5. Urbano.-Soar na parroquia de Arca, municipio do Pino (A Coruña), de 918 m. Linda: norte, dereita entrando, por onde ten 37 m, de Iglesias Viñas; sur, esquerda entrando, por onde ten 35 m, terreo que pertence ó concello do Pino; leste ou fronte, por onde ten 31m, estrada de Lugo a Santiago de Compostela; e oeste ou fondo, por onde ten 20 m, valo de Josefa Chico Lareo. Sobre parte deste predio, cara á súa fronte ou leste, construíuse unha casa de planta baixa, cunha extensión de 136 m, que linda por tódolos seus ventos con máis terreo sen edificar.

Inscrito no Rexistro da Propiedade de Arzúa no tomo 412, libro 50, folio 99, predio nº 2.044, inscrición 4ª.

6. Rústico.-Terreo que lle chaman Freán, no lugar e parroquia de Bembibre, municipio de Buxán, hoxe Val do Dubra (A Coruña), dunha superficie de 222 m. Linda: norte, camiño; sur, camiño; leste, terreo de Pablo Casais; oeste, Campo da Feira de Bembibre. Sobre este predio, cara ó noroeste, construíuse un edificio composto de dúas plantas, unha baixa e outra alta, de 100 m cada unha. Linda: norte, coa beirarrúa do edificio e camiño; sur, leste e oeste, co terreo propio.

Inscrito no Rexistro da Propiedade de Ordes no tomo 625, libro 78, folio 155, predio nº 1.416, inscrición 4ª.

7. Urbana.-Soar na rúa Xeneral franco, s/n, do municipio de Samos (Lugo), cunha superficie de 200m, sobre o que se construíu unha casa, de planta baixa e alta, que ocupa a extensión total do terreo. Linda: norte e sur, vías públicas; leste, herdeiros de José Gómez Pereira, parede que fai de medianil; oeste, José Valdés Grandío, parede medianil.

Inscrito no Rexistro da Propiedade de Sarria no tomo 313, libro 47, folio 162, predio nº 4.695, inscrición 2ª.

8. Urbana.-Casa sita en Celeiros, municipio de Chandrexa de Queixa (Ourense), composta de baixo e planta alta, que mide uns 100 m, cun terreo duns 50 m contra a parte sur do mencionado edificio.Linda: norte, Tomás González Rodríguez; sur e oeste, pista de Celeiros á ponte de Santa Cruz;leste, estrada de Trives a Celeiros.

Inscrito no Rexistro da Propiedade da Pobra de Trives no tomo 315, libro 33, folio 98, predio nº 3.636, inscrición 1ª.

9. Urbana.-Predio na rúa Estrada de Ourense a Pontevedra, s/n, en Cerdedo (Pontevedra), dunha superficie de 152 m. Linda: norte, liña de 9,5 m, estrada de Ourense a Pontevedra; sur, con iguais metros, valo e herdeiros de Constantino Lorenzo; leste, liña de 16m de Jose María Sueiro Lois; oeste, con iguais metros, resto do predio matriz. Sobre este soar construíuse un edificio de dúas plantas que ocupa unha superficie de 72 m, cos mesmos lindeiros arriba sinalados, excepto polo fondo ou sur que o fai co resto do predio non edificado.

Inscrito no Rexistro da Propiedade da Estrada no tomo 371, libro 32, folio 30, predio nº 3.443.

10. Rústica.-Terreo ó que lle chaman Nabal e Malvariña, no lugar de Chan, parroquia de Carballedo, municipio de Cotobade (Pontevedra), que ocupa unha extensión de dezanove áreas e cinco centiáreas. Linda: norte, herdeiros de Emilia García e estrada de Caroi; sur, estrada de Augasantas; leste, herdeiros de Francisco Blanco; oeste, estrada de Caroi e Concello de Cotobade. Sobre a parcela descrita atópase construído un edificio de baixo e planta alta de 140 m que linda por tódolos seus aires co seu soar.

Inscrito no Rexistro da Propiedade de Ponte-Caldelas no tomo 133, libro 57, folio 161, predio nº 5.238.

Artigo 2º

Os inmobles anteriormente descritos adquiren natureza patrimonial.

Santiago de Compostela, cinco de xuño de mil novecentos noventa e sete.

Manuel Fraga Iribarne

Presidente

José Antonio Orza Fernández

Conselleiro de Economía e Facenda

4574