O Consello da Xerencia Municipal de Urbanismo do Concello de Vigo, en sesión celebrada o día 18 de abril de 1997, acordou aprobar inicialmente a modificación do PERI a Bouza sur no ámbito das parcelas de propiedade municipal situadas no polígono I, que ten por obxecto o cambio de localización do Colexio Alemán e a mellora da accesibilidade das zonas verdes, conforme a documentación elaborada pola oficina técnica de planeamento e xestión da Xerencia Municipal de Urbanismo en marzo de 1997, someténdoo a información pública polo prazo dun mes, mediante inserción de anuncios no DOG, BOP, un xornal dos de maior circulación da provincia e taboleiro da Casa do Concello.

Signifícase que o prazo de exposición ó público se entenderá aberto desde a primeira publicación ata o remate do mes, contado desde o derradeiro anuncio. A documentación atópase na oficina de información da Xerencia Municipal de Urbanismo, planta baixa da Casa do Concello, ó dispor do público.

Vigo, 5 de maio de 1997.

Manuel Pérez Álvarez

Alcalde

3496