En cumprimento do previsto no artigo 101 e concordantes da Lei orgánica 6/1985, do 1 de xullo, do poder xudicial, anúnciase convocatoria pública para a provisión dos cargos de xuíz de paz e substituto/a deste Concello conforme as seguintes bases:
1. Obxecto: a provisión dos devanditos cargos por un período de catro anos.
2. Solicitudes: presentaranse na secretaría do Concello entre as 9 e as 14 horas, durante o prazo de quince días hábiles contados a partir do seguinte a aquel no que apareza inserido este anuncio no Diario Oficial de Galicia ou no BOP de Ourense, último no que se publique.
Coa solicitude presentaranse os seguintes documentos:
a) Certificación de nacemento ou fotocopia compulsada do DNI.
b) Certificación expedida polo Rexistro Central de Penados e Rebeldes, xunto con declaración complementaria do/a solicitante, referida a que non está inculpado/a ou procesado/a.
c) Xustificación dos méritos alegados polo/a solicitante.
3. Condicións legais: ser español/a, maior de idade, non estar incurso/a en causa de incapacidade ou incompatibilidade previstas para o desempeño das funcións xudiciais, a excepción de actividades profesionais ou mercantís.
As causas de incompatibilidade sinaladas no artigo 389 da Lei orgánica operarán con posterioridade ó nomeamento, mediante opción efectuada polo/a nomeado/a.
Son causas de incapacidade: estar impedido/a física ou psiquicamente para esta función; estar condenado/a por delicto doloso mentres non se obteña a absolución ou se dicte auto de sobresemento; e non estar no pleno exercicio dos dereitos civís.
Rairiz de Veiga, 17 de abril de 1997.
O alcalde
Rubricado
3411