Visto o expediente para outorgamento de autorizacion administrativa, declaración de utilidade pública e aprobación do proxecto de execución da instalación eléctrica que se cita.
Solicitante: Unión Eléctrica-Fenosa, S.A.
Domicilio social: García Barbón, 38, 36201 Vigo.
Denominación: L.M.T., aérea núa.
Situación: concello de Barro e Pontevedra.
Descricións técnicas: L.M.T., aérea, núa, a 20 kV, de 3.976 m de lonxitude, con conductor tipo LA-110, sobre apoios de formigón, desde un apoio s/n da L.M.T. ó C.T. de Corredoria rematando nun apoio
que se vai instalar na L.M.T. Curro-Bretoña, concellos de Barro e Pontevedra.
Cumpridos os trámites ordenados nos capítulos III e IV dos decretoa 2617 e 1619/1966, do 22 de outubro, sobre autorización e expropiación forzosa das instalacións eléctricas, esta delegación provincial resolve.
Autorizar, declarar de utilidade pública e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.
Pontevedra, 8 de maio de 1997.
Ramón Álvarez Abad
Delegado provincial de Pontevedra
4158