En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que no correspondente servicio desta dirección xeral foron depositados a acta de constitución e os estatutos da Asociación Empresarial Galega de Centros Especiais de Emprego sen Ánimo de Lucro (CESGA) que ten os seguintes ámbitos:
Territorial: Comunidade Autónoma de Galicia.
Profesional: poderán pertencer á devandita asociación tódolos centros especiais de emprego legalmente constituídos en Galicia, que así o soliciten, acepten os presentes estatutos e cumpran as seguintes condicións: A) Centros especiais de emprego de
titularidade maioritaria dunha asociación sen ánimo de lucro e da que os beneficios repercutan integramente nos propios traballadores minusválidos ou no labor social da asociación. B) Centros especiais de emprego nos que a titularidade sexa polo menos do 51% do grupo de traballadores que compoñen o centro especial de emprego e nos que os beneficios repercutan integramente nos propios traballadores do centro ou nunha asociación sen ánimo de lucro pertencente ó movemento asociativo.
Asinan a acta de constitución: J. José Rodríguez Fernández, como representante de GAREVOL, S.L. e catro persoal máis.
Santiago de Compostela, 12 de maio de 1997.
Juan Pedrosa Vicente
Director xeral de Relacións Laborais
4144