O Consello da Xerencia Municipal de Urbanismo do Concello de Vigo, en sesión celebrada o día 21 de febreiro de 1997, acordou aprobar inicialmente o proxecto de urbanización do plan parcial de Navia, conforme a documentación presentada por Xestur
Pontevedra, S.A., e redactado polo enxeñeiro de camiños Benito Fernández González.
Cumprido o esixido polo dito consello, sométese á información pública polo prazo de quince días, mediante inserción de anuncio no DOG, BOP, un xornal dos de maior circulación da provincia e taboleiro da Casa do Concello.
Significando que o prazo de exposición ó público se entenderá aberto desde a primeira publicación ata o remate dos quince días contados desde o derradeiro anuncio.
A documentación atópase na oficina de información da Xerencia Municipal de Urbanismo ó dispor do público, planta baixa da Casa do Concello.
Vigo, 5 de maio de 1997.
Manuel Pérez Álvarez
Alcalde
4155