A Corporación Municipal en Pleno, en sesión extraordinaria celebrada con data 14 de abril do ano 1977, e tendo en conta o informe da Consellería de Política Territorial, Obras Públicas e Vivenda, con data 19-3-1997, emitido conforme o disposto no artigo 7 e disposición transitoria primeira da Lei 7/1995, do 29 de xuño, acordou aprobar definitivamente as normas subsidiarias de planeamento urbanístico do Concello de Cospeito, excluíndo unicamente da dita aprobación:
a) Os ámbitos delimitados de tódolos núcleos rurais.
b) Os ámbitos de solo urbano dos núcleos de Arneiro, Veiga de Pomar e Muimenta-oeste (MNR-7).
c) O ámbito do espacio natural da lagoa de Cospeito delimitado polas norma provinciais.
d) O apartado 1.4.6 da normativa.
Nestes ámbitos excluídos, en tanto non sexa corrixido o proxecto e informado favorablemente pola dita consellería, serán de aplicación as ordenanzas do solo non urbanizable común e protexido, contidas nos artigos 24 e 31 das normas complementarias e subsidiarias de planeamento provincial.
O que se publica en cumprimento do establecido no artigo 8 da Lei 7/1995, do 29 de xuño, en relación co artigo 124 do texto refundido la Lei sobre réxime do solo e ordenación urbana (R.D.L. 1/1992, do 26 de xuño) e o artigo 7.2º da Lei 7/1985, do 2 de abril, de bases do réxime local.
Segundo o disposto no artigo 6 da citada Lei 7/1995, o acordo plenario de aprobación das NSPU e da súa normativa e ordenanzas, remata a vía administrativa, polo que se poderá interpoñer contra el recurso contencioso-administrativo, perante a sala correspondente da dita xurisdicción do Tribunal Superior de Xustiza de Galicia, no prazo de dous meses, contados desde o día seguinte ó da publicación deste anuncio no Diario Oficial de Galicia.
Cospeito, 15 de abril de 1997.
Armando Castosa Alvariño
Alcalde
4128