O Concello de Barro acordou por unanimidade, en sesión plenaria do 8 de maio de 1997, a aprobación definitiva das normas subsidiarias de planeamento municipal do Concello de Barro, emitido o informe favorable do conselleiro de Política Territorial, Obras pública e Vivenda, previsto no artigo 7 da Lei 7/1995, do 29 de xuño con data do 20-2-1997.

O que se fai público para os efectos recollidos no artigo 8 d) da Lei 7/1995, do 29 de xuño, e faise constar que a eficacia do referido acto de aprobación definitiva e a entrada en vigor das normas queda condicionada á recepción do acordo xunto co expediente e exemplar do instrumento de planeamento pola Consellería de Ordenación do Territorio, Obras Públicas e Vivenda e á publicación das normas e ordenanzas segundo o establecido no artigo 70.2º da Lei 7/1985, modificada pola Lei 34/1994, do 24 de decembro, e non entrará en vigor ata a publicación íntegra do seu texto e transcorrido o prazo de 15 días indicado no artigo 65.2º da Lei 7/1985.

O citado acordo pon fin á vía administrativa, polo que contra el cabe interponer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir da publicación deste anuncio. A interposición do referido recurso requirirá a comunicación previa ó órgano que dictou o acto impugnado. Todo isto sen prexuízo de que se poida exercer, se é o caso, calquera outro recurso que se considere procedente.

Barro, 13 de maio de 1997.

Mª Teresa Roig Olona

Alcaldesa

3319