Nesta delegación provincial séguese expediente sancionador número P-33/96, contra María Esther Lorenzo Domínguez e a empresa operadora Recreativos Silma, S.L., por presunta infracción da Lei 14/1985, do 23 de outubro, no que se resolveu, de conformidade co disposto no artigo 59.4º da Lei 30/1992, do 26 de decembro, de réxime xurídico das administracións públicas e do procedemento administrativo común, publica-lo acordo de iniciación e mailo prego de cargos, por resultar descoñecido o domicilio de María Esther Lorenzo Domínguez.
Acordo apertura.
O director xeral de Xustiza, Interior e Relacións Laborais, por delegación do conselleiro de Xustiza, Interior e Relacións Laborais, con data do 16 de outubro de 1996, adoptou o seguinte acordo:
1. Incoar expediente sancionador, conforme o establecido na Lei das Cortes Xerais 34/1987, do 26 de decembro, de potestade sancionadora da Administración pública en materia de xogos de sorte, envite ou azar:
-Á empresa operadora Recreativos Silma, S.L.
-Á titular do establecemento María Esther Lorenzo Domínguez.
2. Nomear instructora e secretaria deste a:
-María Jesús Padín García e
-Clara Eugenia García Bermúdez, respectivamente.
3. Adoptar como medida provisional a confirmación do precinto da máquina por carecer esta do adhesivo da taxa fiscal de xogo e do boletín de instalación.
Prego de cargos.
1. Te-la empresa operadora Recreativos Silma, S.L. e María Esther Lorenzo Domínguez, instalada o día 27 de xuño de 1996, no establecemento denominado Bar Juventud, sito na rúa Vaqueira, nº 44-Budiño, do concello do Porriño, unha máquina recreativa tipo B, modelo B-1885, serie 92.1989, guía de circulación número 1074174 e autorización de explotación GA-P-1634, carente do distintivo de pagamento da taxa fiscal de xogo e sen ter no establecemento nin na máquina o boletín de instalación.
2. Tales feitos poderían constituír infracción moi grave ou grave tipificada no artigo 28 e seguintes da Lei 14/1985, do 23 de outubro, reguladora dos xogos e apostas de Galicia, modificada pola Lei 7/1991, do 19 de xuño (de tributación sobre o xogo, disposición adicional terceira).
O que se comunica de acordo co artigo 7 da Lei das Cortes Xerais 34/1987, do 26 de decembro, de potestade sancionadora da Administración pública en materia de xogos de sorte, envite e azar; o interesado disporá dun prazo de oito días a partir do seguinte ó da publicación desta notificación, para que poida presentar prego de descargos, no que poderá solicita-lo recibimento a proba do expediente na forma previda na alínea 2 b) do devandito precepto legal.
Pontevedra, 5 de maio de 1997.
María Jesús Padín García
Instructora
3988