A Comunidade Autónoma de Galicia ten recoñecido no artigo 31 do seu Estatuto de autonomía a plena competencia para o regulamento e a administración do ensino en toda a súa extensión, niveis, graos, modalidades e especialidades. Así mesmo, o artigo 27 do dito estatuto recoñécelle a competencia exclusiva en materia conservatorios de música.
Segundo o artigo primeiro do Decreto 346/1996, do 3 de setembro, polo que se establece a estructura orgánica da Consellería de Educación e Ordenación Universitaria, correspóndenlle a esta as competencias e funcións en materia de planificación, regulación e Administración do ensino regrado en toda a súa extensión, niveis, graos, modalidades e especialidades.
O Real decreto 389/1992, do 15 de abril, determina os requisitos mínimos que deberán reuni-los centros para imparti-las ensinanzas artísticas regradas que establece o capítulo primeiro, título II, da Lei orgánica 1/1990, do 3 de outubro, de ordenación xeral do sistema educativo.
O Decreto 253/1995, do 29 de setembro, sobre autorización a centros docentes privados para impartir ensinanzas artísticas, dispón que a apertura e funcionamento de centros privados que impartan ensinanzas de música se someterá ó principio de autorización administrativa e que a dita autorización se concederá sempre que os centros reúnan os requisitos mínimos establecidos polo Real Decreto 389/1992, do 15 de abril.
Presentado expediente de autorización para a apertura e funcionamento, na vila de Sarria (Lugo), dun centro privado de ensinanzas musicais de grao elemental e profesional e vistos os informes que emiten os servicios correspondentes da delegación provin
cial da Consellería de Educación e Ordenación Universitaria en Lugo,
DISPOÑO:
Primeiro.-Autoriza-la apertura e funcionamento do centro privado de ensinanzas musicais Cantiga, de Sarria, de grao elemental e profesional, segundo os datos que figuran no anexo a esta orde.
Segundo.-En cumprimento do que establece a disposición adicional terceira do Decreto 253/1995, do 29 de setembro, o centro autorizado de ensinanzas musicais Cantiga, de Sarria queda adscrito, para efectos administrativos, ó conservatorio profesional de música de Lugo.
Terceiro.-A autorización de apertura e funcionamento deste centro producirá efectos a partir do curso académico 1997/98.
Cuarto.-De acordo co disposto no artigo 23 da Lei orgánica 1/1990, do 3 de outubro, a Consellería de Educación e Ordenación Universitaria procederá á revogación da presente autorización se o centro deixara de reunir calquera dos requisitos mínimos establecidos no Real decreto 389/1992, do 15 de abril.
Quinto.-Esta orde entrará en vigor no mesmo día da súa publicación no Diario Oficial de Galicia.
Santiago de Compostela, 28 de abril de 1997.
Celso Currás Fernández
Conselleiro de Educación e Ordenación
Universitaria
ANEXO
Provincia: Lugo.
Denominación específica: centro autorizado elemental e profesional de ensinanzas musicais Cantiga.
Titular: Manuel Randulfe Jácome.
Domicilio: Avda. da Merced, nº 58.
Localidade: Sarria.
4002