O artigo 39.5º da Lei orgánica 1/1990, do 3 de outubro, de ordenación xeral do sistema educativo, establece que poderán cursarse estudios de música ou de danza en escolas específicas. Así mesmo, a Orde do 11 de marzo de 1993 (DOG do 22 de abril) regula as condicións de creación e funcionamento destas escolas na Comunidade Autónoma de Galicia.
Por outra parte, o Decreto 346/1996, do 13 de setembro, no seu artigo 1º establece que lle corresponden á Consellería de Educación e Ordenación Universitaria as competencias de planificación, regulación e Administración do ensino en toda a súa extensión.
Presentadas as solicitudes de inclusión no rexistro de escolas de música polos concellos das Neves e de Barbadás, os servicios competentes da Consellería de Educación e Ordenación Universitaria, comprobaron a efectividade do cumprimento dos requisitos esixidos na Orde do 11 de marzo de 1993. Na súa virtude,
DISPOÑO:
Primeiro.-As escolas, das que os datos se sinalan no anexo a esta orde quedan incluídas no Rexistro de Escolas de Música.
Segundo.-As escolas de música citadas no dito anexo quedan sometidas ó réxime de escolas de música e danza, segundo se establece na Orde do 11 de marzo de 1993 (DOG do 22 de abril de 1993) e ós servicios de inspección correspondentes.
Disposicións derradeiras
Primeira.-Facúltase o director xeral de Centros e Inspección Educativa para dicta-las disposicións necesarias no desenvolvemento desta orde.
Segunda.-A presente orde entrará en vigor o día seguinte o da súa publicación no Diario Oficial de Galicia.
Santiago de Compostela, 14 de maio de 1997.
Celso Currás Fernández
Conselleiro de Educación e Ordenación
Universitaria
ANEXO
Provincia de Ourense
Denominación específica: Escola Municipal de Música de Barbadás.
Titular: Concello de Barbadás.
Enderezo: Casa da Cultura. A Valenzá. Rúa San Bernabé nº 37.
Localidade: Barbadás.
Provincia: Ourense.
Provincia de Pontevedra
Denominación específica: Escola Municipal de Música das Neves.
Titular: Concello das Neves.
Enderezo: Casa da Xuventude. Rúa Entrecines nº 10.
Localidade: As Neves.
Provincia: Pontevedra.
4041