A Dirección Xerencia do Hospital Montecelo, en virtude das atribucións que lle foron delegadas con

forme o establecido no artigo 7 da Orde do 22 de maio de 1996, da Consellería de Sanidade e Servicios Sociais (DOG do 6 de xuño), convoca o concurso público nº 2/1997, polo procedemento aberto.

1. Obxecto: a contratación da instalación e prestación do servicio de televisión e telefonía no Hospital Montecelo, cun canon mínimo de mil pesetas/ano, por teléfono e televisión. Imposto sobre o valor engadido incluído.

2. Prazo de execución: o servicio obxecto do presente concurso público executarase a partir da data de formalización, cunha duración de cinco (5) anos contados a partir da dita data, podendo prorrogarse antes da súa finalización ou da de calquera das prórrogas por períodos iguais de tempo, e por mutuo acordo das partes.

3. Documentos de interese para os licitadores: o prego de cláusulas administrativas particulares e de prescricións técnicas, e demais documentación complementaria, poderá ser solicitada na sección de concursos do Hospital Montecelo, lugar de Mourente, s/n, CP 36071 de Pontevedra, nos días laborables desde as 9 ata as 14 horas, ou por teléfono (986) 80 00 17, ou fax (986) 80 00 01, durante o prazo de admisión das proposicións.

4. Fianzas: garantía provisional por un importe de cen mil pesetas (100.000 ptas.), que se constituirá conforme co disposto no prego de cláusulas administrativas particulares.

5. Solvencia económica e financeira: as empresas licitadoras acreditarán a súa solvencia económico-financeira por calquera dos medios previsos no artigo 16 da Lei 13/1995, de contratos das administracións públicas.

6. Solvencia técnica: acreditarase por algún dos medios previstos no artigo 19 da Lei 13/1995, de contratos das administracións públicas.

7. Criterios de adxudicación: os especificados no prego de cláusulas (p.10).

8. Clasificación: non se esixe.

9. Presentación das proposicións: as proposicións presentaranse en man, en sobres pechados e asinados polo licitador ou persoas que o representen, no rexistro xeral do Hospital Montecelo, antes das catorce horas do vixésimo sexto día natural contado a partir do seguinte ó da publicación desta resolución no DOG, ou por correo na forma indicada no artigo 100 do Regulamento xeral de contratos do Estado.

10. Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas do Hospital Montecelo, ás dez horas do décimo primeiro día natural contado a partir do seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar no día hábil seguinte.

11. Documentación que deberán achega-los licitadores: os documentos que figuran no prego de cláusulas administrativas particulares.

12. Variantes: non se admiten.

13. Anuncios: os gastos derivados dos anuncios oficiais, ou en medios de comunicación, do presente concurso público serán por conta do adxudicatario.

Pontevedra, 30 de abril de 1997.

Rafael Pérez-Santamarina Feijóo

Director xerente do Hospital Montecelo

de Pontevedra

3815