A Escola Galega de Administración Pública organiza unhas xornadas de estudio sobre Eugenio Montero Ríos, conforme as seguintes bases:
1. Obxectivos.
Afondar no coñecemento da vida e obra de Eugenio Montero Ríos, persoeiro galego a quen a EGAP dedica o seu actual curso académico.
2. Contido.
Trataranse, ademais doutros, estes temas:
-Montero Ríos, político.
-Montero Ríos, un home do sexenio.
-Montero Ríos e a élite política da Restauración.
-Montero Ríos e a codificación civil.
-Montero Ríos, canonista.
-Montero Ríos e a Institución Libre da Ensinanza.
3. Destinatarios.
Persoal ó servicio de calquera das administracións públicas galegas e interesados en xeral.
4. Lugar e datas.
As xornadas convocadas terán lugar os días 9 e 10 de xuño no salón de actos da Escola Galega de Administración Pública, polígono das Fontiñas, rúa de Madrid, 2-4, Santiago de Compostela.
A repetida actividade abrirase a mañá do luns, día 9 de xuño, e rematará a tarde do martes 10 de xuño.
5. Inscrición.
-Prazo: remata o mércores, día 4 de xuño de 1997.
-Lugar de presentación: no rexistro xeral da EGAP (polígono das Fontiñas, rúa de Madrid, 2-4, 15707, Santiago de Compostela). Tfno.: 54 60 40, fax: nº 54 63 37.
-Forma: as solicitudes de inscrición faranse por escrito, no modelo oficial que figura ó final destas bases. Serán rexeitadas todas aquelas peticións que non reúnan o dito requisito.
As peticións de admisión poderanse enviar por correo ordinario ou por fax ó número consignado.
-Inscrición fóra de prazo: só se admitirán, de quedaren prazas baleiras, coa condición de que se cumpran os requisitos xerais antes indicados.
Os peticionarios poderán obter confirmación da súa posible admisión, chamando, a partir do día 5 de xuño, por teléfono de 10.30 a 14.45 horas, ó seguinte número: (981) 54 62 39.
6. Certificación de asistencia.
Entregaráselles ó remate destas xornadas a aqueles asistentes que concorresen asiduamente ás mesmas, e expresarase neste documento a natureza da actividade e as datas da súa realización.
Santiago de Compostela, 16 de maio de 1997.
Domingo Bello Janeiro
Director da Escola Galega de Administración
Pública
4012