A Orde do 26 de febreiro de 1996 (DOG do 25 de marzo), da Consellería de Industria e Comercio, estableceu unha campaña durante 1996 para a regularización das tarxetas de inspección técnica dos vehículos agrícolas.
No seu artigo 1º expoñíase que o obxecto da orde era o de regulariza-la situación dos vehículos agrícolas, de titulares que o soliciten, mediante a expedición da tarxeta ITV, despois da inspección técnica unitaria con resultado favorable.
A campaña desenvolvida durante o ano 1996 puxo de manifesto, desde o seu comezo, o volume elevado do parque existente e doutra banda a preocupación do colectivo de titulares dos vehículos agrícolas, as súas asociacións representantes e outras institucións, resultando insuficiente o prazo establecido
no artigo 3º, da citada Orde de 26 de febreiro de 1996, para atende-la demanda xerada.
Na súa virtude e de acordo coas competencias que me foron transferidas,
RESOLVO:
Autoriza-la ampliación da campaña iniciada de acordo coa Orde do 26 de febreiro de 1996 para a regularización das tarxetas de inspección técnica dos vehículos agrícolas, ata o 31 de decembro de 1997.
Santiago de Compostela, 19 de febreiro de 1997.
Antonio Couceiro Méndez
Conselleiro de Industria e Comercio
3040