Examinados os expedientes instruídos por instancia dos titulares dos centros, nos que se solicita autorización definitiva para a apertura e funcionamento dos centros privados de educación secundaria: Nuestra Señora del Carmen de Betanzos; San José de A Guarda; Santiago Apóstol de Soutomaior e San Francisco de Vilagarcía de Arousa.
Tendo en conta que os expedientes foron tramitados polas delegacións provinciais da Consellería de Educación e Ordenación Universitaria, que se remiten cos informes da Unidade Técnica e Inspección Educativa.
Vistos a Lei 1/1990, do 3 de outubro (BOE do 4), de ordenación xeral do sistema educativo, Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG 15 de decembro) que o desenvolve.
Considerando que concorren nos expedientes os requisitos esixidos nas disposicións vixentes para poder acceder ó solicitado.
Esta consellería, por proposta da Dirección Xeral de Centros e Inspección Educativa,
DISPÓN:
Primeiro.-Autoriza-la apertura e funcionamento dos centros de educación secundaria, e, como consecuencia disto, establece-la configuración definitiva do centro existente no mesmo edificio ou recinto escolar, segundo se especifica no anexo.
Segundo.-A presente autorización producirá efectos progresivamente, a medida que se implanten as ensinanzas autorizadas consonte o calendario de aplicación da nova ordenación do sistema educativo, segundo os reais decretos 986/1991, do 14 de xuño e 1487/1994, do 1 de xullo.
Terceiro.-Antes do inicio das ensinanzas de educación secundaria obrigatoria que se autorizan, a Delegación Provincial da Consellería de Educación e Ordenación Universitaria, logo de informe da inspección educativa, aprobará expresamente a relación de persoal que impartirá docencia nos ditos centros.
Cuarto.-Os centros de educación secundaria que pola presente orde se autorizan deberán cumpri-la norma básica da edificación NBE-CPI/1996, de condicións de protección contra incendios nos edificios, aprobada por Real decreto 2177/1996, do 4 de outubro (BOE do 29). Todo isto sen prexuízo de que teñan que cumprirse outros requisitos esixidos pola normativa municipal ou autonómica.
Quinto.-Quedan os centros obrigados ó cumprimento da lexislación vixente e a solicita-la oportuna revisión cando teña que modificarse calquera dos datos que sinala a presente orde.
Santiago de Compostela, 2 de maio de 1997.
Celso Currás Fernández
Conselleiro de Educación e Ordenación
Universitaria
ANEXO
-Provincia: A Coruña.
Municipio: Betanzos.
Localidade: Betanzos.
Enderezo: estrada de Castela, 146-152.
Denominación específica: Nuestra Señora del Carmen.
Titular: Hijas de la Natividad de María.
Composición resultante:
a) Centro de educación infantil: 3 unidades.
b) Centro de educación primaria: 6 unidades.
c) Centro de educación secundaria: 8 unidades de educación secundaria obrigatoria.
d) Centro de bacharelato 4 unidades coas modalidades seguintes: Ciencias da Natureza e da Saúde e Humanidades e Ciencias Sociais.
-Provincia: Pontevedra.
Municipio: A Guarda.
Localidade: A Guarda.
Enderezo: Camiño de Currás, 2.
Denominación específica: San José.
Titular: Hermanas Carmelitas de la Caridad.
Composición resultante:
a) Centro de educación infantil: 4 unidades.
b) Centro de educación primaria: 6 unidades.
c) Centro de educación secundaria: 4 unidades de educación secundaria obrigatoria.
-Provincia: Pontevedra.
Municipio: Soutomaior.
Localidade: Arcade.
Enderezo: A Montesiña s/n.
Denominación específica: Santiago Apóstol.
Titular: Cooperativa de Enseñanza Santiago Apóstol.
Composición resultante:
a) Centro de educación infantil: 4 unidades.
b) Centro de educación primaria: 12 unidades.
c) Centro de educación especial: 1 unidade.
d) Centro de educación secundaria: 8 unidades de educación secundaria obrigatoria.
e) Centro de bacharelato 6 unidades coas modalidades seguintes: Ciencias da Natureza e da Saúde, Humanidades e Ciencias Sociais e Tecnoloxía.
-Provincia: Pontevedra.
Municipio: Vilagarcía de Arousa.
Localidade: Vilagarcía de Arousa.
Enderezo: Edelmiro Trillo, 15.
Denominación específica: San Francisco.
Titular: Religiosas Franciscanas Divina Pastora.
Composición resultante:
a) Centro de educación infantil: 3 unidades.
b) Centro de educación primaria: 6 unidades.
c) Centro de educación secundaria: 4 unidades de educación secundaria obrigatoria.
3869