Para os efectos previstos no artigo 7 da Lei 10/1987, do 15 de xuño, de disposicións básicas para un desenvolvemento coordinado de actuacións en materia de combustibles gasosos e no artigo 11 do Regulamento xeral do servicio público de gases combustibles, aprobado por Decreto 2913/1973, do 26 de outubro, sométese a información pública o seguinte proxecto de concesión administrativa.

Peticionario: Repsol Butano, S.A., con enderezo na rúa Arcipreste de Hita, 10, 28015 Madrid.

Obxecto da petición: concesión administrativa para o servicio público de distribución e subministración de gas propano comercial, no termo municipal de Melide, na provincia da Coruña, de conformidade co proxecto presentado para o efecto, o cal se concretará posteriormente, co oportuno detalle no proxecto para a autorización das instalacións.

Descripción das instalacións:

-Estación de G.L.P., composta por 4 depósitos aéreos, cunha capacidade total de almacenamento de 198 m, dotada de equipo de gasificación, regulación e trasvase axeitados ás necesidades de consumo.

-Rede de distribución, deseñada para a súa intercambiabilidade con gas natural, construída con encanamento de polietileno de media densidade, de diversos diámetros segundo as necesidades de consumo, que transcorrerá enterrada na súa totalidade.

Área da concesión: o concello afectado pola solicitude de concesión é Melide, na provincia da Coruña.

Orzamento: oitenta e cinco millóns de pesetas (85.000.000 de ptas.).

O que se fai público para conocimiento xeral e para que todas aquelas persoas naturais ou xurídicas que se consideren prexudicadas nos seus dereitos poidan presenta-las súas alegacións no prazo de 20 días a partir da data de publicación dese anuncio, podendo examina-lo proxecto de concesión na Dirección Xeral de Industria, edificio de San Caetano, en Santiago de Compostela, así como na Delegación Provincial da Consellería de Industria e Comercio, na Coruña.

Santiago de Compostela, 29 de abril de 1997.

Joaquín del Moral Crespo

Director xeral de Industria

3546