Ó abeiro do establecido nos artigos 78, 79 e 80 do regulamento da Lei de ordenación dos transportes terrestres, a empresa Autobuses de Melide, S.L., titular da concesión do servicio público regular permanente de uso xeral de transporte de viaxeiros por estrada entre Melide e Vila de Cruces, con anexos, solicita ampliación de tráficos dentro da dita concesión mediante a incorporación a ela dos seguintes anexos: Gandareira-Mourazos, Melide-Florida, Quintela-Rendos e Maniño-Melide.
Este expediente de modificación concesional deberá incorporarse ó expediente de substitución
da citada concesión que se encontra en trámite na Dirección Xeral de Obras Públicas e Transportes.
Os interesados ou afectados neste expediente poderán presentarse no procedemento e, tralo exame da documentación pertinente no Servicio Provincial de Transportes da Coruña (estación de autobuses) e no Servicio Provincial de Transportes de Pontevedra (estación de autobuses), efectua-las observacións que consideren oportunas no prazo dun mes, contado a partir do día seguinte ó da publicación deste anuncio no Boletín Oficial del Estado.
Santiago de Compostela, 16 de abril de 1997.
Emilio García Gallego
Director xeral de Obras Públicas e Transportes
3477