Visto o expediente da revisión salarial do convenio colectivo Unemsa que tivo entrada nesta Delegación Provincial da Consellería de Xustiza, Interior e Relacións Laborais o día 2-4-1997, subscrito en representación da parte económica pola empresa e, da parte social polo comité de empresa o día 26-3-1997, de conformidade co disposto no artigo 90.2º e 3º, da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,

ACORDA:

Primeiro.-Ordena-la súa inscrición no libro rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicios de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 7 de abril de 1997.

Mª Reyes Carabel Pedreira

Delegada provincial da Coruña

Asistentes:

-Comité de empresa:

José Vecino Seoane.

José Cundíns Ternande.

Antonio Sánchez Balsa.

Jesús Remuiñán Pérez.

-Empresa:

Roberto Tojeiro Díaz.

Marcelino Olcoz López.

Alfonso Blanco Figueiras.

ACTA

En Carballo, ás 17 horas do día vinteseis de marzo de mil novecentos noventa e sete, reúnense os representantes do comité de empresa de Unemsa conxuntamente cos representantes da empresa.

Ámbalas partes, previa longa deliberación respecto do convenio colectivo da empresa Unemsa, chegaron ós seguintes acordos:

Primeiro.-Tódolos conceptos salariais se incrementarán no IPC de 1996 (3,2%).

Segundo.-Os demais termos do convenio quedan vixentes tal e como están xa establecidos.

Terceiro.-Os incrementos económicos derivados da aplicación do presente convenio aboaranse a partir do un de xaneiro de mil novecentos noventa e sete e faranse efectivos na nómina de marzo de 1997.

Ámbalas partes aproban unanimemente o convenio colectivo para a empresa Unemsa, asinándoo en proba de conformidade na data anteriormente indicada e facendo que se presente na Delegación Provincial da Coruña da Consellería de Xustiza, Interior e Relacións Laborais, para que sexa inserido no Diario Oficial de Galicia e BOP da Coruña.

Revisión ano 1997

Convenio colectivo de traballo de Unemsa

Convenio colectivo de traballo para aglomerados de madeira da empresa Unemsa

Revisión ó 1-1-1997 (en cumprimento artigo 5 do convenio).

Artigo 18º.-Antigüidade.

Consistirá en quinquenios na contía de 4.665 ptas. mensuais, igual para tódalas categorías. A data inicial de cómputo de antigüidade será a do ingreso do traballador na empresa calquera que sexa a categoría coa que ingrese.

Unicamente non se computará para antigüidade o tempo que se permanecese en situación de excedencia voluntaria.

A antigüidade comezará a devengarse a partir do día 1 do mes seguinte a aquel no que se cumpre o quinquenio.

Artículo 19º.-Pluses.

a) Plus de nocturnidade: os traballadores que presten os seus servicios entre as 22 e 6 horas percibirán un 25% do seu respectivo salario de convenio en concepto de plus de nocturnidade, por cada xornada traballada.

b) Plus de tres quendas: os traballadores en réxime de tres quendas de traballo con descanso dominical percibirán por cada mes traballado neste réxime a cantidade de 6.554 ptas.

c) Plus de traballo ininterrompido: os traballadores en réxime de tres quendas de traballo con catro quendas de persoal percibirán por este concepto 22.529 ptas. mensuais.

d) Plus de xornada partida: os traballadores en réxime de xornada partida percibirán por este concepto 3.385 ptas. mensuais.

Artigo 23º.-Quebranto de moeda.

Os pagadores percibirán por este concepto a cantidade de 4.749 ptas. mensuais.

Artigo 26º.-Mellora social.

Todo o persoal que traballe a xornada partida poderá realiza-lo xantar no bar e deduciráselle do importe total da comida a cantidade de 524 ptas. por seren estas aboadas pola empresa, a partir do 1 de xaneiro de 1997.

A empresa asume o incremento do IPC correspondente ó importe total que a empresa e o persoal teñen que satisfacer durante os dous anos de vixencia inicial do presente convenio.

No caso de se produci-la prórroga á que se refire o artigo 2, o incremento do IPC distribuirase entre a empresa e o persoal en proporción ós importes respectivos que deban satisfacer.

Artigo 32º.-Plus de locomoción.

Establécese un plus de locomoción para tódolos traballadores por uns importes que figuran nas táboas anexas. O dito plus estará referido a días efectivos de traballo polo que, de se producir algunha ausencia a este que non encaixe dentro daqueles supostos nos que a empresa está obrigada a aboa-la retribución completa, descontarase a parte proporcional correspondente ós días de ausencia no mes, en relación cos días laborables deste, ata un máximo de 11.468 ptas.

Artigo 39º.-Transporte.

A empresa aboaralles, ós que teñan o seu domicilio a máis de 2 km do centro de traballo, a cantidade de 8,79 ptas./km e figurará na nómina separado do plus de locomoción.

ANEXO I

ANEXO II

2902