O 1 de abril do 1997 o director xeral de Obras Públicas e Transportes, por delegación do conse
lleiro de Política Territorial, Obras Públicas e Vivenda, aprobou o proxecto de trazado da obra de alargamento e mellora da estrada C-630, treito Baleira-A Lastra. (Clave: N/LU/87.2.1.1.).
Os bens e dereitos nos que se concreta a declaración de urxente ocupación aparecen recollidos e valorados no citado proxecto.
A competencia para efectua-la declaración de urxente ocupación tena atribuída a Xunta de Galicia en virtude do artigo 2 do Decreto 156/1982, do 15 de decembro, sobre asunción de transferencias en materia de estradas e a súa asignación á Consellería de Política Territorial, Obras Públicas e Vivenda, considerándose xustificada na referida declaración pola súa especial incidencia na seguridade vial e pola continuidade das actuacións de acondicionamento no itinerario.
En virtude de todo o exposto e en aplicación do artigo 28.2º do Estatuto de autonomía de Galicia e dos artigos 10 e 52 da Lei de expropiación forzosa, en relación con previsto no artigo 8 da Lei 25/1988, do 29 de xullo, por proposta do conselleiro de Política Territorial, Obras Públicas e Vivenda e logo de deliberación do Consello da Xunta de Galicia na súa reunión do día dezasete de abril de mil novecentos noventa e sete,
DISPOÑO:
Artigo único.-Declara-la utilidade pública e a urxente ocupación dos bens e dereitos necesarios e que se concretan no expediente administrativo instruído, para efectos de expropiación no proxecto da obra de alargamento e mellora da estrada C-630, treito Baleira-A Lastra. (Clave: N/LU/87.2.1.1.).
Santiago de Compostela, dezasete de abril de mil novecentos noventa e sete.
Manuel Fraga Iribarne
Presidente
José Cuíña Crespo
Conselleiro de Política Territorial, Obras Públicas e Vivenda
3161