O director-xerente do Complexo Hospitalario Juan Canalejo-Marítimo Oza da Coruña, en virtude das atribucións que lle foron delegadas por Orde do 22 de maio de 1996 sobre delegación de competencias nos órganos centrais e periféricos do Servicio Galego de Saúde, e unha vez cumpridos os trámites administrativos correspondentes, resolve anuncia-la contratación da subministración que a seguir se cita:
Obxecto: mantemento de ordenadores persoais, impresoras e outros periféricos.
Orzamento: 5.250.000 pesetas (750.000 ptas./mes).
Garantía provisional: 105.000 ptas.
Forma de adxudicación: concurso polo procedemento aberto.
Prazo de vixencia do contrato: o contrato terá vixencia desde o día seguinte da súa sinatura, unha vez adxudicado, ata o 31 de decembro de 1997.
Calendario de entregas parciais: as intervencións de mantemento que se contratan por medio da presente resolución realizaranse á demanda do Servicio de Informática do Complexo Hospitalario, no horario que se establece no anexo I: prego de prescricións técnicas, adxunto, e con suxeición ós tempos de resposta e regras que figuran nese mesmo anexo I.
Admisión de variantes: non se autorizan, o que se fai constar expresamente neste prego e no anuncio da licitación, de acordo co artigo 88.2º da LCAP.
Solvencia económica e técnica: ver prego de cláusulas administrativas particulares.
Criterios de adxudicación:
Nº OrdeCriterio de adxudicaciónPonderación
1ºCondicións de prestacións do servicio40 %
2ºCurrículo de empresa e persoal asignado ó contrato 30 %
3ºPrezo ofertado30 %
Documentos de interese para os licitadores: o prego de cláusulas administrativas particulares e demais documentación complementaria poden ser solicitados no Servicio de Contratación do Complexo Hospitalario (planta terceira do edificio da Escola Universitaria de Enfermería, anexo ó Hospital Juan Canalejo). As Xubias de Arriba, 84, 15006 A Coruña, en días laborables desde as 9 ás 14 horas. Teléfono: (981) 17 80 73. Fax: (981) 17 80 32.
Presentación de proposicións: as proposicións deberanse presentar en man, en sobres pechados e asinadas polo licitador ou persoa que o represente, no rexistro xeral deste Complexo Hospitalario Juan Canalejo (planta baixa do Hospital Juan Canalejo), antes das 14 horas do vixésimo sexto día natural contado a partir do seguinte ó da publicación desta resolución no Diario Oficial de Galicia, ou mandadas por correo, dentro do prazo sinalado.
Apertura das proposicións: terá lugar na sala de xuntas da Xerencia do Complexo Hospitalario (planta baixa da Escola Universitaria de Enfermería), a partir das 10 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura de proposicións terá lugar o primeiro día hábil seguinte.
Documentación que deberán aporta-los licitadores: os documentos que figuran no prego de cláusulas administrativas particulares.
Anuncios: os anuncios do presente concurso serán por conta do adxudicatario do contrato.
A Coruña, 15 de abril de 1997.
Jesús Caramés Bouzán
Director-xerente do Complexo Hospitalario Juan Canalejo-Marítimo Oza da Coruña
3187