Perante este Xurado Provincial de Montes Veciñais en Man Común, tramítase o expediente nº 342 de clasificación do monte que ten as características que se indican a continuación:
Denominación: de Torea.
Comunidade: Torea.
Parroquia: Torea.
Concello: Muros.
Superficie: 78 ha.
Lindeiros:
Procede do monte Calvo e outros, nº 110 do C.U.P.
Norte: monte de Cornes, subindo polo rego dos Outeiriños Negros, seguindo por Campiños Longos e Campo de Pao.
Leste: propiedades particulares dos veciños de Torea.
Sur: monte do lugar de Figueiroa.
Oeste: monte San Mamede, do concello de Carnota, pola estrada de Ponte do Porco a Muros.
En virtude do acordado polo xurado, e en cumprimento da orde do instructor, do 10 de marzo de 1997, conforme o disposto na Lei de montes veciñais
en man común, do 10 de outubro de 1989, e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesadas, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando, se é o caso, a documentación que consideren conveniente ó respecto.
A Coruña, 10 de marzo de 1997.
Visto e prace
Alfonso Vázquez-Castro Garma
Instructor
Manuel Puente Araújo
Secretario do Xurado Provincial de Montes Veciñais
en Man Común da Coruña
2736