Aprobado tecnicamente por resolución do organismo autónomo Augas de Galicia do 24 de marzo de 1997 o proxecto básico da Presa de Acheiro (clave: OH.115.339), sométese o citado proxecto ó trámite de información pública durante un período de trinta (30) días hábiles, a partir da publicación deste anuncio no BOE, co fin de que aqueles que o consideren oportuno poidan formular por escrito as observacións que crean convenientes ante o Departamento de Xestión do Dominio Público Hidráulico do organismo autónomo Augas de Galicia da Consellería de Política Territorial, Obras Públicas e Vivenda, da Xunta de Galicia, sita nos edificios administrativos de San Caetano s/n, 15071-Santiago de Compostela. O proxecto estará exposto ó público nos servicios centrais deste organismo, na alcaldía

de Laracha e na Demarcación Norte de Augas de Galicia na Coruña.

O que se fai público para os efectos do previsto na Lei de expropiación forzosa e no Decreto 442/1990, do 13 de setembro de avaliación do impacto ambiental para Galicia.

Santiago de Compostela, 24 de marzo de 1997.

Emilio García Gallego

Presidente do Organismo Autónomo Augas de Galicia

2469