Visto o expediente para outorgamento de autorización administrativa e aprobación do proxecto de execución da instalación eléctrica que a continuación se detalla:
Solicitante: Unión Eléctrica-Fenosa, S.A.
Enderezo social: r/ Severo Ochoa, 2, 15008 A Coruña.
Denominación: variante aero-Subt. Pasaxe 1 e 2 en Eirís-Monserrat.
Situación: A Coruña.
Descricións técnicas: liña eléctrica subterránea de media tensión, a 20 kV, en dobre e triple circuíto, baixo tubos, que parte do apoio metálico que se vai instalar na liña O.C. A Grela A Pasaxe, con conductor R.H.V. 12/20 kV de 3(1x240) mm Al, en dobre circuíto ata onde deriva a alimenta-lo C.T. oncolóxico e en triple circuíto desde esta derivación a C.T. que se proxecta denominado Monserrat e outra vez en dobre circuíto ata o apoio metálico de paso a aérea no lugar de Pedralonga cunha lonxitude total de 526 m. Centro de transformación, tipo interior, de 630 kVA e tensións de 20/0,380-0,220 kV en edificio Monserrat, tres celas de protección de liñas e unha de protección de trafo en SF6. Concello da Coruña.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
A Coruña, 13 de marzo de 1997.
Juan Ignacio Lizaur Otero
Delegado provincial da Coruña
2475