En cumprimento do disposto no artigo 4 da Lei orgánica 11/1985, do 2 de agosto, de liberdade sindical, e para os efectos previstos nela, faise público que, no correspondente servicio desta dirección xeral, foron depositados a acta do primeiro congreso e os estatutos da Federación do Metal da Confederación Intersindical Galega, que ten os seguintes ámbitos:
Territorial: Comunidade Autónoma de Galicia.
Funcional: a dita organización sindical, integrada por traballadores/as galegos/as da industria siderometalúrxica, en tódalas súas ramas de fundición, fabricación de maquinaria, bens de equipo, material eléctrico e electrónico, vehículos, construcción e reparación naval, siderurxia, metalgráfica, instalacións metálicas, talleres mecánicos e manufacturados metalúrxicos.
Asinan a acta do I congreso, no que se acorda a constitución da Federación do Metal da Confederación Intersindical Galega: Manoel García Cedrón e Xurxo Cordero Novo, como secretarios; Alfredo Bocija Serantes e Antolín Alcántara Álvarez, como vocais; e Manoel Domínguez Pereira como presidente da mesa.
Santiago de Compostela, 17 de marzo de 1997.
Juan Pedrosa Vicente
Director xeral de Relacións Laborais
2496