Visto o expediente para outorgamento de autorización administrativa, declaración de utilidade pública e aprobación do proxecto de execución da instalación eléctrica que a continuación se detalla:

Solicitante: Unión Eléctrica-Fenosa, S.A.

Enderezo social: Severo Ochoa 2, 15008 A Coruña.

Denominación: L.M.T. 15/20 kV, C.T. de 50 kVA, R.B.T. Fonte Díaz-Pousada.

Situación: Touro.

Descricións técnicas: liña eléctria aérea de media tensión, a 20 kV, sobre apoios de formigón e con conductor LA-56, de 258 m de lonxitude, con orixe na liña denominada Fonte Díaz-Pousada (expediente 33911) e final no C.T. que se instalará en Pena. Centro de transformación aéreo de 50 kVA e tensións de 20/0,380-0,220 kV, en Pena, do que parte rede de baixa tensión sobre apoios de formigón e conductor R.Z. de 140. Concello de Touro.

Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolveu,

Autorizar, declarar de utilidade pública e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.

A Coruña, 24 de febreiro de 1997.

Juan Ignacio Lizaur Otero

Delegado provincial da Coruña

97-2257