Por decreto do Consello da Xunta de Galicia número 40/1997, do 20 de febreiro, declarouse a urxente ocupación, para efectos de expropiación forzosa polo Concello de Santiago de Compostela (A Coruña), dos bens e dereitos necesarios para a realización das obras do proxecto: expropiación forzosa para a execución da conexión dos vertidos do Milladoiro ó colector do Sar, e do saneamento en Porto e Rocha Vella, ampliación de abastecemento de auga en Porto.

En cumprimento do disposto no artigo 52.2º da Lei de expropiación forzosa, o Concello de Santiago de Compostela convoca os titulares de bens e dereitos afectados para que comparezan no lugar, data e hora que se detallan, co fin de proceder ó levantamento das actas previas á ocupación.

Lugar: na Casa do Concello, sen prexuízo de trasladarse o lugar dos predios se fose necesario.

Día 14 de abril de 1997, do predio número 1 ó número 50.

Día 15 de abril de 1997, do predio número 51 ó número 77.

Día 16 de abril de 1997, do predio número 78 ó número 225.

Hora: das 10 ás 14 horas.

Ó dito acto deberán acudi-los propietarios afectados, persoalmente ou representados por persoa debidamente autorizada, achegando os documentos acreditativos da titularidade dos bens e documento nacional de identidade, podendo facerse acompañar, pola súa conta, se o coidan oportuno, dos seus peritos e notario.

Santiago de Compostela, 11 de marzo de 1997.

Pedro Antonio Fernández Fernández

Concelleiro delegado de Urbanismo

2296