O Pleno do Concello (en sesións do 31 de xaneiro e 28 de febreiro pasados), e a Comisión de Goberno (en sesións do 3 de febreiro e 3 de marzo), adoptaron os seguintes acordos:
1. Aprobación inicial do programa de actuación urbanística do solo urbanizable non programado número 28 (SUNP-28) na Barcia.
2. Aprobación inicial do plan parcial do SUN-28 na Barcia, promovido por Gesprocar, S.L.
Os expedientes expóñense ó público na sección de planeamento e xestión, durante o prazo dun mes, contado desde a publicación deste anuncio no Diario Oficial de Galicia e BOP. O cómputo do prazo iniciarase na data da última publicación.
De conformidade co disposto polo artigo 102 do R.D.L. 1/1992, a aprobación inicial do plan parcial determina a suspensión do outorgamento de licencias para parcelacións, edificacións e derrubas no seu ámbito. O ámbito do plan parcial é o definido polos seguintes lindes:
Norte: zona de prados, ó norte e leste do centro de educación especial da Barcia.
Sur: estrada comarcal C-543 de Santiago de Compostela a Noia.
Leste: monte da Barcia, xunto á estrada a Figueiras M-79.
Oeste: complexo administrativo da Xunta de Galicia na Barcia.
Contra a suspensión de licencias pódese interpor recurso contencioso-administrativo perante o Tribunal Superior de Xustiza de Galicia no parzo de dous meses desde a publicación deste anuncio.
Este anuncio servirá como edicto de notificación, nos termos do artigo 59 da Lei de réxime xurídico das administracións públicas e do procedemento administrativo común, a tódolos afectados que, por resultaren descoñecidos ou por ignorarse o seu domicilio, non poidan ser citados persoalmente no trámite de información pública dos dous expedientes.
Santiago de Compostela, 18 de marzo de 1997.
O alcalde
Rubricado
(QQ@UU