Polo Decreto 241/1995, do 28 de xullo, concédese autorización á entidade promotora Centro de Estudios Superiores Universitarios de Galicia (Cesuga S.L.), para implanta-los estudios correspondentes ó título Bachelor of Commerce conforme o sistema vixente noutro país e conducente á obtención de títulos non homologados cos do sistema educativo español.

No artigo 3 do devandito decreto indícase que a efectiva impartición do primeiro e dos sucesivos cursos dos que constan os referidos estudios, esixirá antes do comezo do respectivo curso, autorización correspondente mediante orde da Consellería de Educación e Ordenación Universitaria. Polas ordes do 17 de outubro de 1995 e do 5 de decembro de 1996 concédeselle á entidade promotora Centro de

Estudios Superiores Universitarios de Galicia (Cesuga S.L.), autorización para a efectiva impartición do primeiro e segundo curso, respectivamente, correspondente ó título Bachelor of Commerce conforme o sistema vixente noutro país e conducente á obtención de títulos non homologados cos do sistema educativo español, na cidade da Coruña e dentro dos locais establecidos para o efecto no domicilio da entidade promotora.

Pola súa banda, o Decreto 259/1994 do 29 de xullo, polo que se establece o procedemento para creación de recoñecemento de universidades, centros universitarios e autorización de estudios na Comunidade Autónoma de Galicia considera no seu artigo 9 a posibilidade de autorización de establecemento de centros estranxeiros. A sociedade de responsabilidade limitada Centro de Estudios Superiores Universitarios de Galicia (Cesuga S.L.) formulou solicitude para ser autorizada como centro estranxeiro universitario adscrito á Universidade de Dublín.

Na súa virtude, en uso das atribucións conferidas pola Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro, por proposta do conselleiro de Educación e Ordenación Universitaria, oído o Consello Universitario de Galicia, logo de deliberación do Consello da Xunta de Galicia, na súa reunión do día catorce de marzo de mil novecentos noventa e sete,

DISPOÑO:

Artigo 1º

Concédeselle autorización de establecemento en Galicia como centro estranxeiro universitario adscrito á Universidade de Dublín á sociedade de responsabilidade limitada Centro de Estudios Superiores Universitarios de Galicia (Cesuga S.L.).

2. O Centro terá a súa sede no Colexio Obradoiro, r/ Feáns, nº 152 da Coruña.

3. Para tódolos efectos a identificación do centro será a de Centro de Estudios Superiores Universitarios de Galicia. Cesuga S.L.-University College Dublín.

Disposición derradeira

Única.-O presente decreto entrará en vigor o mesmo día da súa publicación no Diario Oficial de Galicia.

Santiago de Compostela, catorce de marzo de mil novecentos noventa e sete.

Manuel Fraga Iribarne

Presidente

Celso Currás Fernández

Conselleiro de Educación e Ordenación Universitaria

2194