Convócase concurso público por procedemento aberto, trámite de urxencia, para a subministración dun sistema de análise térmica de materiais con identificación dos gases producidos, para os servicios xerais de apoio á investigación.

O prego de cláusulas administrativas particulares para a contratación de subministracións por concurso público pódese retirar na xerencia, Servicio de Xestión Económica, na sede do rectorado, sita en rúa Maestranza, s/n, A Coruña, de luns a venres e de 9 a 14 horas.

As propostas presentaranse no rexistro xeral da universidade, rúa Maestranza, s/n de luns a venres e de 9 a 14 horas.

O prazo de presentación de proposicións rematará ás 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia.

A apertura de plicas celebrarase o terceiro día hábil seguinte ó do remate do prazo de presentación das proposicións, ás 11 horas da mañá na sala de xuntas da xerencia; se este día coincide en sábado, realizarase o luns seguinte á mesma hora.

Orzamento de contratación: catorce millóns trescentas vinteseis mil catrocentas oitenta e catro pesetas (286.530 ptas.).

Garantía provisional: duascentas oitenta e seis mil cincocentas trinta pesetas (286.530 ptas.)

A Coruña, 10 de marzo de 1997.

P.D. (R. 30-3-1990)

José María Pujalte Giménez

Xerente

2155