Por Decreto desta Alcaldía número 636/1997 do 7 de febreiro de 1997, acordouse aprobar inicialmente o estudio de detalle da U.E. número 15 na Avda. Rosalía Castro e Avda. Das Mariñas, en Perillo, tramitado polos herdeiros de Antonia Ares Pita e Vicente Caridad Lavandeira. Acordouse así mesmo, proceder á exposición pública do expediente polo prazo de quince días, que computará desde a derradeira publicación (DOG ou prensa). Ó longo do dito prazo o expediente quedará á disposición de todo aquel que queira examinalo, podéndose face-las alegacións pertinentes. O expediente poderase examinar nas oficinas municipais de urbanismo, das 9 ás 13 horas tódolos días laborais.
Oleiros, 28 de febreiro de 1997.
Esther Pita Pita
Alcaldesa-presidenta
2065