Por acordo do Concello Pleno do 5 de setembro de 1996, acordouse aprobar inicialmente o proxecto básico e de execución de adecuación da urbanización Punxeiro, Serantes, ó plan xeral municipal de ordenación de Oleiros. Acordouse así mesmo, proceder á exposición pública do expediente polo prazo de quince días, que computará desde a derradeira publicación (DOG ou prensa). Ó longo do dito prazo o expediente quedará á disposición de todo aquel que queira examinalo, podéndose face-las alegacións pertinentes. O expediente poderase examinar nas oficinas municipais de urbanismo das 9 ás 13 horas tódolos días laborais.
Oleiros, 26 de febreiro de 1997.
Esther Pita Pita
Alcaldesa-presidenta
1797