Vista a solicitude presentada por Xosé Eusebio Justo Santos como presidente do padroado da Fundación Formación e Emprego de Galicia (FOREM de Galicia) e a documentación que se xunta, na que se solicita lle sexa concedida a cualificación de entidade autorizada para a impartición de cursos teórico-prácticos para a formación de instaladores de gas nas catro categorías IG-I, IG-II, IG-III e IG-IV.
Vista a Orde do 17 de decembro de 1985, do Ministerio de Industria e Enerxía, pola que se aproban a Instrucción sobre documentación e posta en servicio das instalacións receptoras de gases combustibles e a instrucción sobre instaladores autorizados de gas e empresas instaladoras, na que se establecen as diferentes probas e requisitos para a obtención dos distintos tipos de carnés, así como as condicións a cumprir polas entidades autorizadas para a formación de instaladores.
Considerando que a entidade solicitante cumpre cos requisitos regulamentariamente establecidos, esta dirección xeral de Industria,
RESOLVE:
Outorgarlle á Fundación Formación e Emprego de Galicia (FOREM de Galicia) a cualificación de entidade autorizada para a impartición de cursos teórico-prácticos para a formación de instaladores de gas nas catro categorías IG-I, IG-II, IG-III e IG-IV, e proceder á súa inscrición no rexistro correspondente da Dirección Xeral de Industria.
Para o inicio das actividades, deberán presentar perante a Delegación Provincial de Industria e Comercio correspondente, fotocopia desta resolución, programación, profesorado, lugar, horarios e exames, co fin de realiza-lo control correspondente.
Así mesmo e para efectos estatísticos e de control, deberase presentar nas delegacións provinciais de Industria e Comercio correspondentes unha memoria anual de actuacións na provincia, debendo figurar nela os datos relacionados no punto 12.4º da devandita Orde do 17 de decembro de 1985, e na Dirección Xeral de Industria un resumo destas en toda a Comunidade Autónoma galega.
Esta autorización deberá renovarse ós dous anos, para o cal se deberá acreditar perante esta Dirección Xeral de Industria o cumprimento dos requisitos esixidos na autorización inicial.
Santiago de Compostela, 4 de febreiro de 1997.
Joaquín del Moral Crespo
Director xeral de Industria
1718