Visto o expediente iniciado por instancia de Salustiano Vidal Cabanillas, con DNI nº 35.404.467, no nome e representación da entidade mercantil Cultivo y Procesado de Mariscos de las Rías, S.L., constituída ante José Ángel Dopico Álvarez, notario de Cambados, con data 26-6-1995, e número 1616/1995, do seu protocolo, inscrita no Rexistro Mercantil de Pontevedra, folio 1, do libro 1.691, de sociedades, inscrición 1ª. da folla número PO. 15.496, de data 3 de novembro de 1995, solicitando concesión no seguinte establecemento:

-Establecemento auxiliar de acuicultura integrado por:

* Estación depuradora de moluscos.

* Centro de expedición.

* Cetaria.

-Situación: Punta Preguntoiro-Vilaxoán:

-Superficie:

* Dominio privado: non dispón.

* Dominio público: 1.820,15 m.

-Características das instalacións:

Nave de 39,80 m x 14,20 m = 565,16 m.

* Estación depuradora.

Especies: moluscos.

Superficie depuración:

1 piscina de: 120 m.

1 piscina de: 67,50 m.

Total superficie depuración: 187,50 m.

* Centro de expedición:

Especies: moluscos.

Superficie acondicionamento:

1 piscina de: 19,72 m.

Total superficie acondicionamento 19,72 m.

* Cetaria.

Especies: Centola (Maia squinado), Boi (Cancer pagurus), Nécora (Macropipus puber), Lagosta (Palinurus vulgaris), Lumbrigante (Homarus vulgaris).

Superficie estabulación:

6 piscinas de 1,20 m.

Total superficie estabulación: 43,20 m.

(segundo plano anexo).

Procedeuse á súa tramitación de acordo coa Lei 6/1993, do 11 de maio, de pesca de Galicia, e Lei 27/1992, do 24 de novembro de portos do Estado e da mariña mercante.

Tendo en conta que con data 19 de xaneiro de 1982, o Ministerio de Obras Públicas e Urbanismo (Dirección Xeral de Portos e Costas) outorgou concesión de ocupación de dominio público, por un prazo de trinta (30) anos.

Tendo en conta a Resolución do 23-4-1996, do Presidente do Ente Público Portos de Galicia, pola que se autoriza o cambio de titularidade da concesión administrativa outorgada pola OM do 19 de xaneiro de 1982, a favor da sociedade Cultivos y Procesados de Mariscos de las Rías, S.L.

Tendo en conta os informes que constan no expediente, así como o proposto pola Dirección Xeral de Marisqueo e Acuicultura, logo do informe do Servicio Técnico-Xurídico, esta consellería,

ACORDA:

Acceder ó solicitado outorgando a Cultivo y Procesado de Mariscos de las Rías, S.L., concesión para a posta en funcionamento e explotación dun establecemento auxiliar de acuicultura, constituído por: cetaria, centro de expedición e estación depuradora; en Punta Preguntoiro-Vilaxoán; Vilagarcía de Arousa (Pontevedra), baixo as seguintes condicións:

Primeira.-A concesión outórgase de acordo co disposto no artigo 9 da Lei 6/1993, do 11 de maio, de pesca de Galicia (DOG nº 101, do 31-5-1993) e concordantes, por un prazo de dez (10) anos, contados dende a publicación da presente orde no Diario Oficial de Galicia e resolución do Ente Público Portos de Galicia de data 23-4-1996, que será vinculante para esta consellería.

Segunda.-O emprazamento e as obras de instalación do establecemento, axustaranse ós planos e proxecto presentados, redactados polo enxeñeiro T. de Obras Públicas Emilio Otero Martínez, colexiado nº 6.804.

As obras poderán dar comezo a partir da publicación desta resolución e deberán quedar rematadas no prazo máximo dun (1)ano.

O remate das obras deberá comunicarse á Delegación Territorial de Vigo, para os efectos de practica-la correspondente inspección delas, da que se emitirá o correspondente informe.

Terceira.-O titular contrae a obriga de manter en bo estado o dominio público, obras e instalacións. As instalacións a que fai referencia esta autorización non poderán alugarse nin ser destinadas a usos distintos dos propios deste tipo de establecementos. Baixo ningún concepto o titular poderá modifica-las instalacións, a non ser que medie autorización desta consellería.

Cuarta.-Sen prexuízo da caducidade da concesión ó amparo do disposto na autorización da concesión do dominio público citada, que será vinculante para esta consellería, a concesión dos usos a que se refire este outorgamento extinguirase por imcumprimento dalgunhas das condicións de esta orde e nos casos previstos no artigo 72 da Lei 6/1993, do 11 de maio, de pesca de Galicia.

Quinta.-O titular queda obrigado ó cumprimento do disposto na Lei 6/1993, de pesca de Galicia, citada, así como no Real decreto 1437/1992, do 27 de novembro, polo que se fixan as normas sanitarias aplicables á producción e comercialización dos productos pesqueiros e da acuicultura (BOE nº 11, do 13-1-1993), así como o disposto no Real decreto 308/1993, do 26 de febreiro, polo que se aproba o regulamentación técnico-sanitaria que fixa as normas aplicables á comercialización dos moluscos bivalvos vivos (BOE nº 76 do 30-3-1993), e demais concordantes que lle sexan de aplicación. Igualmente, queda obrigado ó cumprimento das disposicións en vigor relativas en materia laboral e da protección das industrias, e cantas disposicións se dicten sobre esta materia.

Sexta.-O outorgamento desta concesión non exime o seu titular da obtención doutras licencias, permisos e autorizacións legalmente procedentes.

Sétima.-O titular xustificará o pagamento á Facenda Pública do imposto que para as concesións (Transmisións patrimoniais e actos xurídicos documentais) ou acreditará a declaración de non estar suxeito ó acto do dito imposto, feito pola Delegación de Facenda ou oficina liquidadora correspondente.

Contra a presente orde, que é definitiva en vía administrativa, poderase interpoñer recurso contencioso-administrativo no prazo de dous (2) meses, contados a partir do día seguinte da súa publicación no DOG, ante a Sala do Contencioso Administrativo do Tribunal Superior de Xustiza de Galicia, conforme o disposto no artigo 58 da Lei reguladora da xurisdicción contencioso-administrativa, do 27 de decembro de 1956, despois de comunicarllo a esta consellería, segundo o previsto no artigo 110.3º da Lei 30/1992, de 26 de novembro, de réxime xurídico das administracións públicas e do procedemento administrativo común.

Santiago de Compostela, 25 de febreiro de 1997.

Juan Caamaño Cebreiro

Conselleiro de Pesca, Marisqueo e Acuicultura

1778