De conformidade co disposto no artigo 103 do Regulamento xeral de recadación (R.D. 1684/1990, do 20 de decembro; BOE do 3 de xaneiro de 1991) que, sendo expedido polo órgano competente título executivo que acredita que a débeda non foi satisfeita no prazo de ingreso voluntario, a tesoureira da Delegación Territorial de Facenda galega acordou: "No uso das facultades que me confiren os artigos 100 e 106 do Regulamento xeral de recadación, R.D. 1684/1990, do 20 de decembro, liquido o recargo de constrinximento, polo 20 por 100 da débeda pendente, e dicto providencia para que se proceda executivamente contra o patrimonio do debedor ou as garantías existentes, encaso de non producirse o ingreso nos prazos sinalados no artigo 108 do dito regulamento".

Recursos: tributos cedidos: recurso de reposición, no prazo de quince días ante a dependencia de recadación ou reclamación económico-administrativa, no prazo de quince días ante o tribunal da dita xurisdicción, ámbolos dous prazos contados a partir do día seguinte ó recibo desta notificación.

Tributos e outros recursos propios: recurso de reposición, no prazo de quince días ante a dependencia de recadación ou reclamación económico-administrativa, no prazo de quince días ante o Tribunal Económico-Administrativo de Galicia. De non estar constituído este último, caberá recurso de alzada, ante o superior xurídico do que dictou a providencia de constrinximento.

O procedemento de constrinximento, aínda que se interpoña recurso, só se suspenderá nos termos e condicións sinalados no artigo 101 do Regulamento xeral de recadación.

Solicitude de aprazamentos: conforme establece o artigo 48 do Regulamento xeral de recadación, poderase aprazar ou fracciona-lo pagamento das débedas en vía executiva. A presentación destas farase na Delegación de Facenda do Territorio no que deba facerse o pagamento.

Liquidación de intereses de demora: a cantidade debida, excluído o recargo de constrinximento, devengará xuros de demora desde o día seguinte ó vencemento da débeda en período voluntario ata a data do seu ingreso. O cálculo e o cobro destes farase de acordo co establecido no artigo 169.2º do Regulamento xeral de recadación.

Custas: en caso de se produciren custas no procedemento, a Administración repercutirá o seu importe ó debedor, conforme o establecido nos artigos 153 e 157 do Regulamento xeral de recadación.

Prazos para face-lo ingreso (artigo 108 do Regulamento xeral de recadación): a) Recibida a notificación entre os días 1 e 15 de cada mes ata o 20 do dito mes ou inmediato hábil posterior.

b) Recibida a notificación entre os días 16 e último de cada mes, ata o 5 do mes seguinte ou o inmediato hábil posterior.

Aboamento á Facenda Pública de Galicia, conta restrinxida da Delegación de Facenda para a recadación.

Lugo, 20 de febreiro de 1997.

Gonzalo Luis Vázquez Rivas

Delegado territorial de Lugo

ANEXO

9254