Visto o expediente do convenio colectivo para a empresa Grupo Cruzcampo, S.A., que tivo entrada nesta delegación provincial de Pontevedra, o día 20-1-1997, subscrito en representación da parte económica por unha representación da empresa, e da parte social, por la delegada de persoal, con data 13-12-1996. De conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,

ACORDA:

Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Vigo, 22 de xaneiro de 1997.

Antonio Coello Bufill

Delegado provincial de Pontevedra

Grupo Cruzcampo, S.A.-Mos

Convenio colectivo 1996

Capítulo I

Disposicións xerais

Artigo 1º.-Ámbito territorial, funcional e persoal.

As estipulacións do presente convenio colectivo afectarán a todo o persoal que preste os seus servicios na empresa Grupo Cruzcampo, S.A. no seu centro de traballo de Mos.

Queda exceptuado da aplicación do presente convenio o persoal que, por desempeñar funcións de mando ou pola natureza do seu traballo, acordase a súa retribución coa empresa, á marxe das táboas salariais que figuran nel.

Quedan tamén exceptuados do presente convenio aqueles axentes mediadores ou figuras análogas que manteñan unha relación mercantil ou laboral especial, recollida esta última no artigo 2 do Estatuto dos traballadores.

Artigo 2º.-Ámbito temporal.

A vixencia do presente convenio estenderase do 1 de xaneiro de 1996 ó 31 de decembro de 1996.

Non obstante, rexerá este convenio durante o período transitorio ata a sinatura do seguinte.

Entenderase prorrogado de ano en ano se ningunha das partes que o subscriben formulan denuncia un mes antes, como mínimo, de que conclúa a súa vixencia ou, se é o caso, calquera das súas prórrogas.

A denuncia deberá ser realizada polos representantes sociais ou económicos comunicándollo á autoridade laboral e á outra parte.

Artigo 3º

Os efectos de aplicación do convenio e condicións pactadas nel forman un todo orgánico indivisible e será considerado globalmente.

Tódalas percepcións sinaladas no presente convenio referiranse á xornada completa. Os traballadores que presten os seus servicios durante un horario inferior ó da xornada normal, percibirán os seus salarios e complementos salariais en proporción ó tempo traballado.

Artigo 4º.-Comisión mixta.

Para a interpretación deste convenio e con carácter previo e ineludible á formulación de calquera cuestión litixiosa que se derive da referida interpretación ou cumprimento do presente convenio, e segundo o establecido nas normas vixentes, créase unha comisión paritaria, que estará integrada por dous vocais, un como representante dos traballadores e un en representación da empresa.

Esta comisión estará integrada polos seguintes:

-En representación da sección sindical:

Mª Fernanda Martínez Cordero.

-En representación da empresa:

Juan Larzábal Goizueta.

Poderán asistir ás reunións da comisión paritaria, con voz e sen voto, asesores de ámbalas partes.

As reunións deberán ser obrigatoriamente celebradas dentro do prazo de quince días, cando o solicitase calquera membro dunha das partes.

Capítulo II

Disposicións económicas

Artigo 5º.-Conceptos que integran a retribución.

As percepcións económicas dos traballadores que prestan os seus servicios na empresa afectada polo presente convenio estarán integradas polos seguintes conceptos.

1. Retribucións salariais.

1.1. Salario base.

1.2. Complementos salariais persoais:

1.2.1. Plus de antigüidade.

1.2.2. Condicións ou compensacións persoais.

1.2.3. Plus variable.

1.2.4. Plus categoría.

1.3. Complemento por calidade ou cantidade de traballo.

1.3.1. Horas extraordinarias.

1.3.2. Traballos festivos.

1.3.3. Horas extraordinarias nocturnas.

1.3.4. Plus prolongación de xornada.

1.3.5. Plus de convenio.

1.3.6. Prima de rendemento.

1.3.7. Prima de productividade.

1.4. Plus de nocturnidade.

1.5. Pagas extraordinarias.

1.5.1. Pagas extraordinarias regulamentarias.

1.5.2. Pagas extraordinarias especiais.

2. Percepcións non salariais.

2.2. Axuda ó transporte.

1. Retribucións salariais.

1.1. Salario base:

Enténdese por tal o que para cada categoría profesional se determina na columna correspondente de anexo I do presente convenio.

Durante a vixencia do presente convenio garantirase como mínimo en todo momento o salario mínimo interprofesional na columna de salario base.

En caso de variacións do salario mínimo interprofesional, se a cantidade fixada como salario base fose inferior á do novo salario mínimo interprofesional, a dita diferencia trasvasarase do plus de categoría, para garantir en todo momento o salario mínimo interprofesional na columna de salario base.

1.2. Complementos salariais persoais:

1.2.1. Plus de antigüidade:

Tódolos traballadores afectados polo presente convenio desfrutarán dun complemento persoal do salario base, da forma e contía seguinte:

Bienios do 5% cada un, en razón da súa antigüidade desde a data da súa entrada na empresa, cun tope máximo de doce bienios, equivalente ó 60%. Estas porcentaxes iranse sumando e aplicaranse sobre o salario base que en cada momento corresponda á categoría profesional do traballador de acordo coa columna correspondente que figura no anexo I.

1.2.2. Condicións ou compensacións persoais.

Respectaranse as situacións persoais que, con carácter de cómputo anual, exceden das establecidas neste convenio, manténdose estrictamente ad personam.

1.2.3. Plus variable.

A súa contía concrétase no anexo II do presente convenio.

1.2.4. Plus categoría.

A súa contía concrétase no anexo I do presente convenio.

1.3. Complemento por calidade ou cantidade de traballo.

1.3.1. Horas extraordinarias.

Considéranse horas extraordinarias as que excedan en cada xornada das sinaladas para a prestación da xornada establecida no presente convenio.

O número de horas extraordinarias non poderá ser superior a oitenta ó ano.

Non se terán en conta para efectos da duración máxima de xornada ordinaria laboral, nin para o cómputo de horas extraordinarias autorizadas, o exceso das traballadas para previr ou reparar sinistros e outros danos extraordinarios e urxentes, sen prexuízo do seu aboamento como se se tratase de horas extraordinarias.

Para o cálculo do valor de cada hora extraordinaria aplicarase a seguinte fórmula:

Salario base + plus convenio

------------------------- x 1,75

1.800 horas de traballo

1.3.2. Traballos en festivos.

As horas extraordinarias correspondentes a domingos e festivos pagaranse de acordo co seguinte cálculo:

Salario base + plus convenio

------------------------- x 2,25

1.800 horas de traballo

Cando na xornada se establecese traballar de luns a venres, as horas extraordinarias que se realicen en sábado consideraranse como festivas.

1.3.3. Horas extraordinarias nocturnas.

As horas extraordinarias traballadas entre as 22 horas e as 6 da mañá serán consideradas como nocturnas; a fórmula para o cálculo do seu valor, será a mesma cá de horas extraordinarias festivas. Remitiráselle ó comité de empresa o parte mensual de horas extraordinarias.

1.3.4. Plus de prolongación de xornada.

Considérase como prolongación de xornada a que realiza o Servicio de Asistencia Técnica, por prestación de servicio fóra das horas de traballo habituais.

A cantidade estipulada para o dito plus será a seguinte:

Ano 1996 836 ptas. diarias

1.3.5. Plus de convenio.

Durante o ano 1996 queda establecido para todo o persoal un plus de convenio de 2.530 ptas. por cada día efectivamente traballado. Tamén se cobrará este plus durante os días laborables correspondentes a vacacións.

Quedan excluídos do cobramento deste plus aqueles empregados que, realizando a función de prevenda, perciban comisións por ela.

1.3.6. Prima de rendemento.

A prima de rendemento percibirase polos días efectivamente asistidos ó traballo, dos hábiles establecidos no calendario laboral.

A súa contía para o ano 1996 concrétase no anexo I.

1.3.7. Prima de productividade.

Establécese a título experimental unha prima de producción baseada no incremento dos índices de hectolitros/persoa tomando como referencia os valores obtidos en 1995. En todo caso garántese un mínimo de 31.000 pesetas para o auxiliar 2ª obreiro. Para as restantes categorías laborais aplicaranse os coeficientes da ordenanza laboral da industria cervexeira, incrementándose as cantidades anteriores obtidas, tendo como base o auxiliar 2ª obreiro, nun 5% bianual de antigüidade no cadro de persoal o 31 de decembro e cun tope de 12 bienios.

Para os diferentes incrementos da productividade establécese o seguinte cadro de valores sobre os cales se rexerá a aplicación da prima sobre a base do auxiliar 2ª obreiro.

Incremento productividade Hl./persoa	Ptas./prima garantido	Incremento prima/ptas.	Total ptas. prima

0	31.000	0	31.000
1-50	31.000	903	31.903
51-100	31.000	1.806	32.806
101-150	31.000	2.709	33.709
151-200	31.000	3.612	34.612
201-250	31.000	4.515	35.515
251-300	31.000	5.418	36.418
301-350	31.000	6.321	37.321
351-400	31.000	7.224	38.224
401-450	31.000	8.127	39.127
451-500	31.000	9.030	40.030
501-550	31.000	9.933	40.933
551-600	31.000	10.836	41.836

A prima calcúlase mediante a expresión seguinte:

Hectolitros envasados

----------------------------------------

Nº de persoas período acumulado ano fábrica

Enténdese por número de persoas fábrica o abranguido nas direccións de cervexería, envasado, enxeñería, xestión de calidade, administración, persoal, expedicións, estructura e compras e almacén xeral.

As modificacións organizativas que puidesen representar cambio de dependencia das persoas dalgunha das direccións anteriormente citadas non se terán en conta para efectos de cálculo da fórmula de productividade.

O importe da prima verase corrixido en función das ausencias por enfermidade de acordo coa seguinte fórmula:

Importe total prima

--------------- x días laborables ano menos días de ausencias por enfermidade ano

Días laborables anuais

A prima devengarase no mes de xaneiro de 1997.

1.4. Plus de nocturnidade.

As horas traballadas durante o período abranguido durante as 22 horas e as 6 da mañá terán un incremento sobre a súa retribución ordinaria do 30%, é dicir, sobre o salario base e o plus de convenio.

Quen no período indicado traballe por tempo inferior ou igual a 4 horas, percibirá este plus unicamente sobre as horas traballadas.

Se o tempo traballado abranguido entre as 22 horas e as 6 da mañá excedese de 4 horas, percibirao por todo o total da xornada.

1.5. Pagas extraordinarias.

Os traballadores afectados polo presente convenio desfrutarán das pagas extrordinarias seguintes:

1.5.1. Pagas extraordinarias regulamentarias.

Estas aboaranse na primeira quincena de xullo e decembro, con importe para cada unha delas dunha mensualidade para o persoal con retribución mensual e de trinta días para o persoal que teña asignado xornal diario.

O dito importe inclúe os conceptos de salario base, antigüidade, plus categoría e plus variable.

1.5.2. Pagas extraordinarias especiais.

Estas aboaranse en marzo e outubro. O devengo destas pagas efectuarase nas primeiras quincenas dos meses respectivos para o persoal con retribución mensual, dunha mensualidade e de trinta días para o persoal que teña asignado xornal diario.

Os conceptos salariais que integran estas pagas serán os mesmos cós das pagas extraordinarias regulamentarias.

Para ter dereito a percibi-lo importe destas pagas extraordinarias será necesario estar ó servicio da empresa con doce meses de antelación consecutivos na data de facerse efectivas cada unha delas. En caso contrario, serán aboadas por doceavas partes, computándose como meses completos as fraccións residuais inferiores a trinta días.

2. Percepcións non salariais.

2.2. Axuda ó transporte.

Establécese unha axuda ó transporte de 301 ptas. durante 1996 para tódalas categorías laborais, por cada día efectivamente traballado con independencia da duración da xornada.

Artigo 6º.-Axudas de custo.

Tódolos traballadores que, por necesidades da industria e por orde da empresa teñan que efectuar viaxes ou desprazamentos que lles impidan efectuar comida ou pernoctar no seu domicilio, percibirán desde o 1 de novembro de 1996 as seguintes cantidades:

Xantar Cea

Delegados e xefes 2ª 2.435 1.862

Inspectores vendas 2.039 1.825

Conductores e mecánicos 1.533 1.372

Para tódalas categorías a empresa aboará ata 5.439 ptas./día por concepto de aloxamento e almorzo logo de presentación da factura correspondente.

Anualmente procederase á revisión destas axudas de custo.

Artigo 7º.-Quilometraxe en vehículo propio.

O seu importe calcularase segundo a seguinte fórmula:

Valor combustible gasolina súper x 0,27 = pesetas/quilómetro

Trimestralmente farase unha revisión do importe obtido na anterior fórmula.

Artigo 8º.-Traballo de categoría laboral superior.

O traballador que, durante catro meses continuos ou oito discontinuos dentro de dous anos, realice traballos de superior categoría, será ascendido automaticamente á dita categoría.

Exceptúase do disposto anteriormente se a realización do dito traballo de categoría superior se debe a incapacidade laboral transitoria do titular; neste caso só se terá dereito ó cobramento da diferencia do salario, e sempre que o substituído se incorpore ó seu anterior posto de traballo.

Artigo 9º.-Xornada laboral.

A xornada laboral efectuarase de luns a venres, con 40 horas de presencia, 38,75 horas de traballo efectivo e 15 minutos diarios de descanso.

Artigo 10º.-Exclusións da xornada normal de traballo.

1. No caso dos traballadores con actividades que consistan en poñer en marcha ou pecha-lo traballo dos demais, observarase o disposto nas vixentes disposicións sobre xornada.

2. Os inspectores comerciais (venda e reparto), mentres estean adscritos a estes servicios, quedarán exceptuados do réxime de xornada normal, en virtude das compensacións económicas pactadas coa empresa e denominadas comisións e premios por cumprimento de obxectivos co que entre outros conceptos se compensan as características propias dos servicios desta categoría.

Artigo 11º.-Vacacións.

A) Dereito a vacacións

Tódolos traballadores sen distinción de grupo ou categoría profesional terán dereito a desfrutar anualmente un período de vacacións retribuídas de vintetrés días laborables.

Para adquiri-lo dereito de desfrute deberase ter traballado durante un ano na empresa. En caso contrario, desfrutarase en proporción ó tempo traballado. A incapacidade laboral transitoria non privará do dereito ó desfrute das vacacións agás que caducase por transcurso do ano.

Os traballadores terán dereito ó desfrute de cinco días de permiso anuais con cargo ás súas vacacións para realizar xestións particulares, condicionándose a súa concesión ós seguintes requisitos:

1. Solicitar con antelación de corenta e oito horas, polo menos, expresando a súa causa. A dirección poderá esixi-la xustificación do motivo alegado.

2. Que non exista coincidencia de solicitudes nunha mesma unidade que obrigue a empresa á contratación de persoal para cubri-las ausencias ou a realización de horas extraordinarias.

No non previsto no presente apartado, observarase o disposto polo Estatuto dos traballadores.

B) Bolsa de vacacións.

En concepto de bolsa de vacacións aboaranse 15.000 ptas. a quen as desfrute na súa totalidade fóra dos meses de xuño a setembro, ámbolos dous incluídos. Agás acordo en contrario, o pagamento efectuarase ó inicia-las vacacións.

Artigo 12º.-Licencias con soldo.

A empresa concederalles licencias con soldo ós seus traballadores nos casos seguintes e coa duración que se indica:

a) 18 días naturais en caso de matrimonio do traballador.

b) 3 días por nacemento dun fillo; se concorrese enfermidade grave de cónxuxe ou fillo nacido, elevarase a 6 días.

c) 2 días por defunción de pais ou pais políticos.

d) 2 días por defunción de avós, netos, irmáns, irmáns políticos, avós políticos e fillos políticos.

1 día por defunción de tío, tío político ou sobriño.

e) 4 días por defunción de cónxuxe ou fillos do traballador.

f) 2 días por traslado de domicilio habitual.

g) 3 días por operación cirúrxica maior ou enfermidade grave de cónxuxe, fillos ou pais.

h) 2 días por operación cirúrxica maior ou enfermidade grave de netos ou irmáns.

1 día por operación cirúrxica maior ou enfermidade grave de pais políticos, irmáns políticos e fillos políticos.

i) 1 día por matrimonio de pais, fillos, irmáns ou irmáns políticos do traballador.

j) En caso de falecemento do cónxuxe do traballador con fillos menores de idade, poderá desfrutar dunha licencia de ata 30 días naturais de permisos con reserva do posto de traballo e axuda de metade de salario, contados desde a data do falecemento.

k) Polo tempo indispensable, cando os traballadores teñan que atender algún asunto de carácter público, imposto pola lei ou disposición administrativa.

l) Polo tempo necesario nos casos de asistencia do traballador a consulta dos médicos de cabeceira ou especialista da Seguridade Social, cando coincida o horario de consulta co de traballo, debendo presenta-lo xustificante de asistencia ó médico de cabeceira e volante xustificativo para asistencia ó médico especialista, se é o caso.

m) Cando un traballador se vexa na necesidade de acudir dentro da localidade ós servicios da medicina privada, sempre que estes servicios non estean cubertos pola Seguridade Social, a empresa considerará esta situación como licencia retribuída polo tempo necesario.

Así mesmo, recoñeceráselle a paternidade ou maternidade do feito suficientemente documentado, haxa ou non vínculo matrimonial.

Para cómputo de xornada anual, estas licencias computaranse como tempo de traballo.

O desfrute dos anteriores permisos entenderase con dereito a percibi-las retribucións correspondentes ós conceptos de salario base, complemento de antigüidade, plus categoría e plus variable.

En todo caso enténdese que os días ós que se fai referencia neste artigo son días naturais. Se a provincia en que suceden os feitos que dan orixe ás licencias anteriormente mencionadas non fose a mesma onde reside habitualmente o productor, os prazos anteriores poderanse ampliar ata tres días máis en cada caso.

O traballador estará obrigado a presentar documentos ou xustificantes legais ou médicos que acrediten a existencia das circunstancias alegadas para a obtención das anteriores licencias.

Capítulo III

Ingresos, vacantes e ascensos

Artigo 13º.-Ingresos.

Para ingresar na empresa será necesario, á parte do que se dispón nas leis vixentes en materia de contratación, cumpri-los seguintes requisitos:

a) Solicita-lo ingreso mediante formulario establecido ó respecto.

b) Someterse a exame médico e probas psicotécnicas ou profesionais, que a empresa considere conveniente, de acordo coa categoría e clase de traballo que se vai desempeñar.

c) Presenta-los documentos requiridos pola empresa, unha vez superadas satisfactoriamente tódalas probas.

Para aquelas categorías ou postos que se cubran con persoal de novo ingreso e sempre que se cumpran as esixencias legais e os requisitos necesarios, terán preferencia en igualdade de condicións de aptitude os fillos do persoal en activo, xubilado ou falecido.

O/Os delegado/s de persoal serán informados dos ingresos que se vaian producir.

Artigo 14º.-Ascensos.

Os ascensos produciranse en razón da capacidade do traballador para desempeña-lo novo posto de traballo, e por iso sempre mediante proba de conformidade co establecido no Regulamento de réxime interno e na ordenanza laboral. Non obstante, recoñécense as seguintes excepcións:

1. Todo traballador fixo que posúa a categoría de auxiliar 2ª obreiro, transcorridos catro anos, pasará á de auxiliar 1º obreiro, sen prexuízo de seguir efectuando as funcións que viñese realizando na categoría, e sen ocupar praza dentro dos postos fixados no cadro de persoal para a dita categoría. Quedan exceptuados aqueles traballadores que renunciasen voluntariamente a categorías superiores á que posúen.

2. Os auxiliares administrativos e técnicos, transcorridos cinco anos na categoría, ascenderán á superior.

2. Os carreteiros con máis de cinco anos continuos nese posto de traballo, en posesión da categoría de axudante, pasarán á categoría de oficial de 2ª.

4. Transcorridos cinco anos de permanencia na categoría de auxiliar de 1ª, ascenderase á de axudante.

5. O traballador que permanecese durante quince anos como fixo nunha das categorías que a seguir se expresan, ascenderá á categoría inmediata superior, con iguais condicións cás expresadas no apartado primeiro:

-Grupos de técnicos e administrativos: oficial de 2ª.

-Grupo comercial: inspectores de 2ª.

-Grupo obreiro: oficial de 2ª axudante.

-Grupo subalterno: subalterno de 2ª.

Nos supostos anteriormente expostos, nos que se produce ascenso de categoría por transcurso do tempo no posto de traballo, será requisito previo o informe favorable dos xefes de servicio a que o productor pertenza, do dos delegados de persoal e conseguinte proposta favorable do director do centro ou da dirección da empresa.

Deste requisito quedarán exentos os supostos recollidos nos apartados primeiro e quinto.

Artigo 15º.-Pensión a fillos minusválidos.

A empresa comprométese a mante-la súa contribución á mutualidade de previsión social para axuda a minusválidos que garanta a percepción polos beneficiarios minusválidos dunha pensión vitalicia anual de 144.000 ptas. en caso de morte ou incapacidade absoluta de mutualista asociado (traballador).

O compromiso da empresa enténdese mentres o traballador forme parte do seu cadro de persoal e durante o tempo en que permaneza en situación de xubilado.

Para ter dereito, deberá solicitalo formalmente á empresa e esta xustificará a recepción, e non terá efectividade ata que a mutualidade acepte a solicitude.

Perderase por traballar por conta allea, contraer matrimonio ou pasar a depender doutras persoas ou institucións.

Artigo 16º.-Axuda para fillos minusválidos.

Establécese unha axuda de 14.000 ptas. mensuais para cada fillo minusválido ou diminuído fisicamente.

Para a percepción desta axuda será preciso presenta-los xustificantes necesarios da percepción da pensión correspondente da Seguridade Social.

Artigo 17º.-Préstamos.

O persoal fixo poderá solicitar préstamos cando concorran circunstancias de especial necesidade que deberán ser probadas cando así o esixa a dirección, contestando esta dentro do prazo dun mes a partir da data de solicitude.

Para a súa concesión será preceptivo o informe previo dos delegados de persoal.

Os ditos préstamos estarán regulados segundo as seguintes normas:

1. Fondo para préstamos: 1.000.000 de ptas.

2. O xuro do préstamo será o legalmente establecido polo Banco de España no momento da súa concesión.

3. O prazo máximo de devolución do préstamo será dun ano natural a partir da súa concesión, e fraccionarase entre as mensualidades e pagas extras abranguidas dentro do dito ano.

4. Establécese un límite máximo de 200.000 ptas. por persoa.

Artigo 18º.-Axuda por incapacidade transitoria.

a) Os productores que causen baixa por enfermidade, logo de xustificación desta expedida polo facultativo que o asista e co visto e prace do médico da empresa, terá garantido desde o primeiro día o 100% dos conceptos que compoñen o cálculo para axuda por IT e que no apartado c) se citan, sempre que o absentismo producido na empresa por enfermidade, desde o 1 de xaneiro ata final do mes anterior ó de producirse a baixa, non exceda do 2,5%, mentres lle corresponda percibi-la indemnización económica por enfermidade.

En caso de que o absentismo producido sexa superior ó 25% terán garantido desde o primeiro día o 90% dos conceptos que compoñen o cálculo para axuda por IT, mentres lle corresponda indemnización económica por enfermidade.

b) En caso de incapacidade transitoria por accidente de traballo, a empresa garantiralle ó traballador o 100% dos conceptos que compoñen o cálculo para axuda por IT, mentres lle corresponda indemnización por accidente de traballo.

En caso de baixa por IT durante o período de vacacións anuais, o traballador percibirá o importe que lle aboe a Seguridade Social por este concepto á empresa, exclusivamente durante os días abranguidos no período vacacional.

c) Conceptos salariais que computarán para o cálculo de axuda en IT:

Salario base, antigüidade, plus de categoría, plus variable, plus de convenio, plus quenda total e plus prolongación de xornada.

Artigo 19º.-Premios por anos de servicio.

Ó persoal que cumpra 20, 25, 30, 35 e 40 anos de servicio ininterrompidos á empresa a partir do 1 de xaneiro de 1996, concederáselle un premio que se aboará no mesmo mes que cumpra os anos de servicio, e a súa contía será:

a) Ós 20 anos de servicio: 75.000 ptas.

b) Ós 25 anos de servicio: 85.000 ptas.

c) Ós 30 anos de servicio: 100.000 ptas.

d) Ós 35 anos de servicio: 100.000 ptas.

e) Ós 40 anos de servicio: 100.000 ptas.

Artigo 20º.-Axuda para gastos por falecemento.

En caso de falecemento dun traballador, independentemente da liquidación de haberes que legalmente lles corresponda ós seus habentes dereito, a empresa aboaralles a estes unha axuda para gastos de enterro de 75.000 ptas.

Considérase habentes dereito, para efectos de percibi-la axuda que se establece, as seguintes persoas e na seguinte orde: viúva, descendentes matrimoniais e extramatrimoniais, xa sexan naturais ou adoptivos, irmáns e ascendentes en primeiro grao.

Esta percepción substitúe ás que estivesen establecidas por este concepto por disposición legal.

Artigo 21º.-Roupa de traballo.

1. Ós traballadores das seccións onde exista humidade e temperaturas extremas proporcionaráselles calzado e roupa adecuada ás súas condicións de traballo, nas diferentes estacións climatolóxicas do ano.

2. Ós demais traballadores fixos proveráselles de dúas fundas ó ano. Ós traballadores con contrato temporal proveráselles do equipo adecuado para as funcións que realicen, en función do tempo de alta na empresa.

3. A empresa facilitaralle dous uniformes, un de inverno e outro de verán, cada dous anos, ó persoal de comercialización e mecánicos de grupos.

Artigo 22º.-Servicio militar.

Durante a permanencia no servicio militar percibiranse as pagas extraordinarias regulamentarias establecidas polo presente convenio.

Capítulo IV

Acción sindical

Artigo 23º.-Delegados de persoal.

En todo o referente a funcións, garantías, etc., dos delegados de persoal, observarase o disposto pola lexislación vixente.

Disposicións derradeiras

Primeira.-En todos aqueles aspectos non determinados concretamente no presente convenio, que se aplicará nos seus propios termos, aplicarase o disposto nas normas legais de carácter xeral e na ordenanza laboral da industria cervexeira, que se manterá na súa plena vixencia en todas aquelas materias que non se opoñan ó estipulado no convenio, ou non fosen derrogadas por el.

Segunda.-Quedan expresamente anulados os beneficios e normas establecidos en convenios anteriores ou por condicións persoais ó seren absorbidos ou mellorados polas disposicións do presente convenio.

ANEXO I

Esc.	Categoría	Ptas. mes/día Salario base	Ptas. día Prima Rendto.	Ptas. mes/día Plus categoría	H. extra normal	H. extra festivo

2,50	T.G.S.	184.731	1.032	36.813	3.481	4.476
2,20	T.G.M.	163.014	872	35.384	3.143	4.041
1,90	Xefe 1ª	141.297	744	33.955	2.805	3.607
1,65	Xefe 2ª	123.200	712	28.523	2.524	3.245
1,50	Oficial 1ª, A-T-C	112.341	712	21.378	2.355	3.028
1,30	Oficial 2ª, A-T-C	97.863	616	20.426	2.130	2.738
1,10	Auxiliar, A-T-C	83.385	576	19.474	1.905	2.449
1,65	Insp. Com. 1ª	123.200	696	22.096	2.524	3.245
1,40	Insp. Com. 2ª	105.102	608	20.902	2.242	2.883
1,30	Sub. xefe Eq.	97.863	616	26.002	2.130	2.738
1,20	Subalterno 1ª	90.624	592	19.950	2.017	2.594
1,10	Subalterno 2ª	83.385	576	19.474	1.905	2.449
1,50	Oficial 1ª X. Eq.	3.698,00	616	887,28	2.355	3.028
1,30	Oficial 1ª	3.221,84	560	672,40	2.130	2.738
1,20	Oficial 2ª	2.983,52	496	656,72	2.017	2.594
1,10	Axudante	2.745,20	464	641,04	1.905	2.449
1.05	Auxiliar 1ª	2.625,60	440	633,20	1.848	2.376
1,00	Auxiliar 2ª	2.506,58	424	625,40	1.792	2.304

ANEXO II

Plus variable

Categorías	Antigüidade
	0%	5%	10%	15%	20%	25%	30%	35%	40%	45%	50%	55%	60%

T.G. superior	45.523	44.001	45.475	46.954	48.431	49.889	51.338	52.776	54.237	55.699	57.173	58.652	60.131
T.G. medio	38.234	39.536	40.831	42.139	43.433	44.716	45.986	47.257	48.542	49.828	51.121	52.424	53.723
Xefe 1ª	34.034	35.156	36.282	37.401	38.526	39.630	40.732	41.828	42.940	44.048	45.167	46.291	47.416
Xefe 2ª	29.227	30.201	31.177	32.150	33.121	34.085	35.039	35.993	36.956	37.915	38.891	39.865	40.844
Oficial 1ª, A-T-C	26.409	27.296	28.180	29.062	29.950	30.825	31.668	32.558	33.426	33.304	35.192	36.077	36.957
Oficial 2ª, A-T-C	23.462	24.224	24.994	25.764	26.528	27.290	28.036	28.787	29.545	30.305	31.072	31.833	32.606
Auxiliar, A-T-C	21.531	21.984	22.440	23.087	23.735	24.379	25.009	25.644	26.288	26.921	27.579	28.226	28.874
Insp. Cial. 1ª	28.625	29.596	30.572	31.544	32.523	33.478	34.433	35.384	36.352	37.315	38.285	39.260	40.235
Insp. Cial. 2ª	24.965	25.783	26.618	27.440	28.276	29.086	29.893	30.698	31.518	32.333	33.159	33.990	34.814
Sub. X. Eq.	20.927	21.713	22.490	23.270	24.047	24.820	25.578	26.347	27.110	27.880	28.659	29.441	30.221
Subalt. 1ª	18.569	19.297	20.026	20.751	21.474	22.197	22.907	23.618	24.177	25.058	25.780	26.512	27.242
Subalt. 2ª	17.617	18.277	18.938	19.597	20.256	20.908	21.557	22.219	22.856	23.507	24.171	24.827	25.490
Ofic. 1ª, X. EQ.	770,	800,64	830,94	861,01	891,36	921,16	950,59	980,30	1.010,05	1.040,02	1.070,25	1.105,95	1.130,69
Oficial 1ª	662,35	688,42	714,74	740,89	767,19	793,26	818,67	844,47	870,44	896,27	922,72	948,81	975,26

Categorías	Antigüidade
	0%	5%	10%	15%	20%	25%	30%	35%	40%	45%	50%	55%	60%

Ofic. 2ª	615,70	639,93	664,30	688,32	712,37	736,47	759,98	783,65	807,56	831,51	855,68	879,83	904,02
Axudante	584,47	606,37	628,44	650,37	672,35	694,22	720,12	736,94	758,59	780,57	802,40	824,32	846,27
Auxiliar 1ª	562,62	583,58	604,42	625,41	646,27	666,94	687,33	707,93	728,52	749,38	770,15	790,96	811,98
Auxiliar 2ª	561,63	576,07	590,47	610,32	630,25	649,75	669,04	688,57	708,22	727,80	747,70	767,48	787,26

ANEXO IV

Cadro de horario

-Persoal de administración.

De luns a venres: de 8 a 13 e de 15 a 18 horas.

-Persoal de almacén e carreteiros.

Quenda (a): de luns a venres: de 6 a 14 horas.

Quenda (b): de luns a venres: de 14 a 22 horas.

Quenda (c): de luns a venres: de 8 a 13 e de 15 a 18 horas.

-Persoal de grupos.

De luns a venres: de 8 a 13 e de 15 a 18 horas.

1979