Entre as funcións da Dirección Xeral de Formación Pesqueira e Investigación figura a da formación do colectivo de mariscadores, a cal se realiza en gran parte a través de cursos impartidos co fin de que
a poboación mariñeira poida obte-lo certificado de mariscador/a. Deste xeito, a preparación específica do profesorado encargado de formar a este colectivo constitúe un paso previo imprescindible para lograr que a formación dos futuros mariscadores se realice coa eficacia que lles permita aborda-la explotación do recurso cun alto grao de profesionalidade, polo que,
DISPOÑO:
Primeira.-Convocatoria.
Convocar un curso de formación de formadores destinado ó profesorado dos cursos de certificado de mariscador/a, que permitirá a obtención do certificado de mariscador, requisito para a obtención do permiso de explotación para marisqueo a pé.
Segunda.-Destinatarios.
Todas aquelas persoas que estean en posesión do título de licenciado/a en ciencias biolóxicas ou ciencias do mar.
Terceira.-Organización do curso.
a) Número de prazas: 30.
b) Duración: 160 horas lectivas.
c) Lugar: Instituto Galego de Formación en Acuicultura (Igafa) sito na Illa de Arousa.
d) Datas: do 14 de abril ó 13 de maio de 1997.
e) Horario: das 9 ás 14 e das 16 ás 19 horas.
Cuarta.-Selección.
Valorarase o currículum académico e outros méritos que se acrediten documentalmente. O baremo que se vai empregar na selección dos aspirantes farase público no taboleiro de anuncios desta dirección xeral , así como, unha vez rematada a selección, a relación das puntuacións obtidas por cada un dos aspirantes.
Quinta.-Solicitudes.
a) Os interesados/as deberán presentar na Dirección Xeral de Formación Pesqueira e Investigación da Consellería de Pesca, Marisqueo e Acuicultura, a solicitude, segundo modelo que se publica no anexo, cuberta en tódolos epígrafes que correspondan, que se entregarán no rexistro xeral da consellería.
b) Xuntaráselle á solicitude fotocopia compulsada do DNI, título profesional, certificado académico de estudios e os documentos que acrediten os datos
que se fagan constar na solicitude. Os datos que non se acrediten documentalmente non se valorarán no proceso de selección.
c) O prazo de presentación de instancias remata ós 20 días naturais da súa publicación.
Sexta.-Certificados de participación.
O remate do curso expedirase un certificado de participación ós asistentes que non teñan un número de faltas superior ó 10%.
Sétima.-Programa.
1. O ecosistema mariño.
2. As especies de interese marisqueiro.
3. O cultivo de moluscos bivalvos.
4. A conservación do medio mariño e os recursos vivos. Explotación racional e ordenación dos recursos.
5. Lexislación marisqueira.
6. As organizacións profesionais: as confrarías de pescadores. As agrupacións de mariscadoras. As organizacións de productores.
7. Os certificados de profesionalidade. Especial referencia ó certificado de profesionalidade da ocupación de mariscador.
8. Funcionamento do mercado no marisqueo. A comercialización. As lonxas. A depuración.
9. As leis da aprendizaxe adulta e coñecemento do grupo destinatario.
10. O perfil do formador: funcións docentes.
11. Os métodos activos no proceso da aprendizaxe.
12. A planificación e programación das accións formativas.
13. Técnicas de dinaminación grupal: liderato e organización de funcións.
14. O diseño da programación e práctica de sesións docentes.
15. Os medios e recursos didácticos.
16. A avaliación: distintos modelos, técnicas e instrumentos.
17. A autoestima: proceso fundamental para aprender e cualificarse.
Santiago de Compostela, 25 de febreiro de 1997.
Ana Gallego Castro
Directora xeral de Formación Pesqueira e Investigación
620