Vistos os acordos adoptados, pola comisión deliberadora do convenio colectivo de carpintería, ebanisterís e actividades afíns, da provincia de Pontevedra, en reunión celebrada o día 24 de xaneiro de 1997, na que se emendou erro de redacción no artigo 11 Ap. 2, 3 a) do covenio, déuselle nova redacción ó artigo 2 apartado 2º e ó artigo 16 deste, así mesmo, levouse a cabo revisión salarial para 1997, nos artigos 23 apartado 3º e 24 apartado 2º e nova táboa salarial. Esta Delegación Provincial da Consellería de Xustiza, Interior e Relacións Laborais da provincia de Pontevedra, ó abeiro do disposto no artigo 105.2º da Lei 30/1992, do 26 de novembro, de réxime xurídico das administracións públicas e do procedemento administrativo común, e de conformidade co disposto no artigo 90.2º e 3º, do Real decreto lexislativo 17/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios
colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo,
ACORDA:
Primeiro.-Ordena-la súa inscrición no libro de rexistro de revisión salarial de traballo que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 18 de febreiro de 1997.
Antonio Coello Bufill
Delegado provincial de Pontevedra
Convenio colectivo de carpintería, ebanistería e actividades afíns da provincia de Pontevedra
Acordos adoptados pola comisión deliberadora, do convenio de carpintería, ebanistería e actividades afíns da provincia de Pontevedra, en reunión celebrada o día 24 de xaneiro, para aplica-las cláusulas relativas ó ano 1997.
Artigo 2.-Ámbito territorial, funcional e persoal.
Apartado 2. O derradeiro punto do dito apartado queda redactado da seguinte maneira. Onde puña: «E calquera outra actividade afín que se poida crear
no futuro», debe pór: «E calquera outra actividade afín xa creada ou que se poida crear no futuro, así como aquelas que se dediquen á instalación e colocación de productos e materiais de madeira».
Artigo 11.-Contrato de aprendizaxe.
Apartado 2.3ª a). Co obxecto de emendar erro na redacción deste artigo, onde puña: «O tempo dedicado á formación teórica deberase alternar co de traballo efectivo e será un 20% da xornada máxima do convenio: 5 horas semanais», debe pór: «O tempo dedicado á formación teórica deberase alternar co de traballo efectivo e será un 20% da xornada máxima do convenio: 8 horas semanais».
Artigo 16.-Días festivos.
Queda redactado da seguinte maneira:
1. Para efectos de distribución e adecuación da xornada anual, con vixencia para 1997, consideraranse como non laborables e retribuídos, os días: 24 de xullo, 14 de agosto, 24, 26 e 31 de decembro.
2. Se nalgún concello da provincia se sinalase como festividade local un día dos establecidos no apartado 1, fíxase, na súa substitución, o día laboral inmediatamente anterior.
3. Os días de descanso retribuído, establecidos no apartado 1, poderán ser modificados por acordo entre a empresa e os traballadores, ou os seus representantes legais, para axustalos ás necesidades das partes.
Artigo 23.-Salarios.
Apartado 3. Unha vez coñecida a previsión de inflación do Goberno para o ano 1997, o incremento para 1997 queda establecido no 3,9%.
Artigo 24.-Revisión salarial.
Apartado 2. A cláusula de revisión para 1997 queda establecida no exceso do 3,1%.
Táboa salarial ano 1997
Carpintería, ebanistería e actividades afíns
Persoal de taller
Encargado xeral, xefe de taller102.939
Encargado de sección, de producción102.400
Oficial preparador-trazador101.698
Oficial de 1ª100.518
Oficial de 2ª98.561
Axudante97.442
Peón95.107
Persoal administrativo e técnico
Xefe de oficina, de oficina técnica,
analista programador ou de sistemas.116.925
Oficial de 1ª, delineante técnico
especialista, programador.104.476
Oficial de 2ª, delineante técnico
auxiliar, operador.97.343
Auxiliar administrativo, telefonista.97.203
1484